اجمیر: محرم ( چھوٹا عرس) ہجری 1443 آج علی الصبح تعزیہ سیراب کے ساتھ اپنے اختتام کو پہنچا۔ تعزیہ کو درگاہ اجمیر میں رکھا گیا اور بڑی تعداد میں عقیدت مندوں نے دعا کی۔ کورونا قوانین کی پابندیوں کے تحت تعزیہ کا جلوس اور دولہ شریف کی سواری باہر نہیں نکل پائی، لیکن پوری رات رسمی طور پر خدام خواجہ بیان شہادت، مرثیہ خوانی اور سلام پیش کرتے رہے۔ بعد ازاں رسم کے طور پر تعزیہ کو منتخب خادموں کی قیادت میں درگاہ کے عقب میں واقع جھلڑہ میں لے جایا گیا اور روایتی انداز میں سیراب تعزیہ کی رسم ادا کی گئی۔ یہ رسم سواری کی صورت میں شروع ہوتی ہے اور گیارہ تاریخ کو تعزیہ سیراب کر دیا جاتا ہے۔
Published: undefined
اسی طرح تارا گڑھ میں واقع حضرت میراں صاحب کی درگاہ پر بھی تعزیہ کی سواری نکال کر مدفن کی مذہبی رسم ادا کی گئی۔ یہاں بھی نوجوانوں کی ایک بڑی تعداد نے علامتی طور پرماتم کیا اور کچھ نے خود کو لہو لہان بھی کیا ۔اس کے بعد تعزیہ سیراب کیا گیا۔
Published: undefined
محرم کے اختتام کے باوجود درگاہ شریف اور درگاہ کے علاقے میں بڑی تعداد میں عقیدت مند موجود ہیں۔ یہ کورونا دور کا دوسرا سال ہے جب اجمیر میں تعزیہ سواری اور ہائیدوس پروگرام منعقد نہیں ہوئے۔ درگاہ سے وابستہ فریق انتظامیہ سے اجازت مانگتے رہے لیکن کامیاب نہیں ہوئے۔ درگاہ کے علاقے میں پولیس سیکورٹی کے خصوصی انتظامات کیے گئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined