مہاراشٹر کے پونے میں این سی پی سربراہ شرد پوار سے بیجو جنتا دل (بی جے ڈی) کا ایک نمائندہ وفد ملاقات کے لیے پہنچا۔ یہ ملاقات کس تعلق سے ہے، اس بارے میں فی الحال کچھ معلوم نہیں ہو سکا ہے لیکن سیاسی گلیاروں میں ہلچل تیز ہو گئی ہے۔
Published: 15 Dec 2018, 9:04 AM IST
مدھیہ پردیش اور راجستھان کے لیے وزیر اعلیٰ منتخب کیے جانے کے بعد امکان ظاہر کیا جا رہا ہے کہ آج چھتیس گڑھ کے وزیر اعلیٰ کے نام کا اعلان بھی کر دیا جائے گا۔ ہو رہی اس تاخیر پر بی جے پی لیڈران لگاتار اعتراض ظاہر کر رہے ہیں جس پر کانگریس لیڈر ٹی ایس سنگھ دیو نے کہا ہے کہ بی جے پی کو زیادہ پریشان نہیں ہونا چاہیے کیونکہ جلد ہی نام کا اعلان کیا جائے گا۔ انھوں نے میڈیا سے بات چیت کے دوران کہا کہ ’’ہمارے پاس ایک سے زیادہ اہل نام ہیں، اور ابھی تو چار ہی دن گزرے ہیں جب کہ بی جے پی نے اپنے وزرائے اعلیٰ کے انتخاب میں سات سے آٹھ دن کا وقت لیا تھا۔‘‘
Published: 15 Dec 2018, 9:04 AM IST
ایک طرف جہاں سیاسی ماہرین ہندی بیلٹ کی تینوں ریاستوں میں بی جے پی کی بدتر کارکردگی کو 2019 انتخابات کے لیے خطرے کی گھنٹی قرار دیا ہے وہیں ’پی کے‘ کے نام سے مشہور پرشانت کشور اسے خطرہ نہیں مانتے۔ بہار میں بی جے پی کی ساتھی جنتا دل یو کے لیڈر پرشانت کشور نے واضح لفظوں میں بیان دیا ہے کہ مدھیہ پردیش، چھتیس گڑھ اور راجستھان میں شکست بی جے پی کے لیے مشکلات پیدا نہیں کر سکتی، حالانکہ ساتھ ہی انھوں نے یہ بھی کہا کہ رام مندر جیسے ایشوز کو پیچھے چھوڑ کر ترقیات کے ایشو پر ہی 2019 کے عام انتخابات کو لڑا جانا چاہیے۔
Published: 15 Dec 2018, 9:04 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 15 Dec 2018, 9:04 AM IST