کورونا وائرس نے اب پوری دنیا کو اپنی زد میں لے لیا ہے۔ کورونا وائرس سے مہلوکین کی تعداد 14.5 ہزار سے آگے بڑھ گئی ہے۔ ہندوستان میں بھی مہلوکین کی تعداد 8 پہنچ گئی ہے جب کہ متاثرین کی تعداد ہندوستان میں تیزی کے ساتھ بڑھتے ہوئے 427 تک چلی گئی ہے۔ لگاتار ہو رہی اموات سے دنیا بھر کے لوگوں میں خوف ہے۔ عالم یہ ہے کہ اگر کوئی چھینک اور کھانس دے تو لوگ اس سے کوسوں دور بھاگ رہے ہیں۔ ایسا ہی کچھ پونے ائیرپورٹ پر بھی دیکھنے کو ملا۔
Published: undefined
دراصل ائیر ایشیا کی فلائٹ 15-732 دہلی کے لیے پرواز بھرنے والی تھی تبھی کچھ ایسا ہوا کہ طیارہ میں ہنگامہ برپا ہو گیا۔ میڈیا ذرائع سے موصول ہو رہی خبروں کے مطابق اگلی صف میں بیٹھے ایک مسافر نے ٹیک آف کرنے سے پہلے ہی چھینکنا شروع کر دیا۔ اس بات کی جانکاری جیسے ہی کاک پِٹ میں بیٹھے پائلٹ کو ہوئی تو کورونا وائرس کے خوف کے سبب وہ ایمرجنسی ایگزٹ سے بھاگ نکلا۔ یہ واقعہ 20 مارچ کا ہے جو اب سوشل میڈیا پر بھی خوب موضوعِ بحث بن رہا ہے۔
Published: undefined
اس واقعہ کے بعد دہشت میں پڑے فلائٹ کے باقی کرو ممبرس نے طیارہ کا پچھلا دروازہ کھولا اور پھر طیارہ میں بیٹھے سبھی مسافروں کو ایک ایک کر کے باہر نکال دیا سوائے اس شخص کے جس نے فلائٹ میں چھینکا تھا۔ چھینکنے والے شخص کے لیے فلائٹ کا اگلا دروازہ کھولا گیا اور پھر اسے اتارا گیا۔ اس واقعہ کے بعد سبھی مسافروں کی اسکریننگ کی گئی جن میں سبھی کی رپورٹ نگیٹو آئی۔
Published: undefined
ائیر ایشیا کے ایک ترجمان کا کہنا ہے کہ اگلی صف میں بیٹھے مسافر کی وجہ سے 20 مارچ کو پونے-دہلی کی فلائٹ میں ایسا معاملہ سامنے آیا۔ کورونا وائرس کو لے کر ہر کوئی محتاط ہے۔ اس لیے سبھی مسافروں کی میڈیکل اسکریننگ کی گئی۔ کسی کی رپورٹ پازیٹو نہیں ہے۔ ترجمان نے مزید بتایا کہ طیارہ کی پوری طرح سے اینٹی انفیکشن سے گہری صفائی کی گئی۔ ہماری پائلٹ ٹیم ایسے واقعات کے لیے اچھی طرح سے تربیت یافتہ ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined