قومی خبریں
چیف الیکشن کمشنر کے خلاف کانگریس کی محاذ آرائی تیز، گرفتاری کے لیے آج ملک بھر میں مظاہرہ
سبھی ریاستی کانگریس کمیٹیوں کو ہدایت دی گئی ہے کہ وہ 25 ستمبر کو اپنے اپنے ریاستی الیکشن کمیشن کے دفاتر تک بڑے احتجاجی مارچ نکالیں اور گیانیش کمار کی فوری گرفتاری کا پرزور مطالبہ کریں۔
چیف الیکشن کمشنر گیانیش کمار / آئی اے این ایس
چیف الیکشن کمشنر گیانیش کمار کے خلاف کانگریس جارحانہ رخ اختیار کیے ہوئے ہے۔ رکن پارلیمنٹ راہل گاندھی کی جانب سے چیف الیکشن کمشنر (سی ای سی) پر حملہ بولنے کے بعد کانگریس جنرل سکریٹری (تنظیم) کے سی وینوگوپال نے بھی گیانیش کمار کو نشانہ بنایا ہے۔ انہوں نے کہا کہ راہل گاندھی پہلے دن سے ہی بی جے پی کے کنٹرول میں کام کرنے والے چیف الیکشن کمشنر گیانیش کمار کی قیادت میں چلائی جا رہی ’بڑے پیمانے پر ووٹ چوری‘ کی مہم کو بے نقاب کر رہے تھے۔ اس کے ساتھ ہی کانگریس آج گیانیش کمار کے خلاف سڑکوں پر اترنے جا رہی ہے۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔