جے پور: راجستھان کے سابق نائب وزیر اعلیٰ سچن پائلٹ نے ہماچل پردیش اور گجرات میں ہونے والے اسمبلی انتخابات میں کانگریس کی جیت کا دعویٰ کیا ہے۔ سچن پائلٹ نے آج یہاں اپنی رہائش گاہ پر یہ بات کہی۔ انہوں نے کہا کہ ہماچل پردیش میں 12 نومبر کو انتخابات ہوں گے اور وہ ہماچل میں پارٹی کے لیے انتخابی مہم چلانے کے بعد آئے ہیں، جہاں پانچ سال سے بی جے پی کی حکومت ہے، اس بار تبدیلی کی لہر نظر آئے گی۔ انہوں نے کہا کہ ہماچل پردیش میں اگر حکومت کے کام کی بنیاد پر حکومت دوبارہ چن کر آتی تو وزیر اعظم نریندر مودی اور مرکزی وزیر داخلہ امت شاہ کو چھوٹی ریاست میں بار بار انتخابی دورے کرنے کی ضرورت نہیں پڑتی۔
Published: undefined
انہوں نے کہا کہ اس بار ان کے ڈبل انجن میں ایک انجن 12 نومبر کو فیل ہو جائے گا۔ انہوں نے کہا کہ ہماچل پردیش میں کانگریس نے سوچ سمجھ کر ٹکٹ دیا ہے اور انتخابات کے لیے پارٹی نے لوگوں کو ایک لاکھ نوکریاں، 18 سالہ خاتون کو 1500 روپے ماہانہ الاؤنس، 300 یونٹ بجلی مفت دینے کا وعدہ کیا ہے۔ ان وعدوں کو لوگوں نے قبول کر لیا ہے اور کانگریس اچھی جیت حاصل کر کے حکومت بنائے گی۔
Published: undefined
راہل گاندھی کی بھارت جوڑو یاترا کو تاریخی یاترا قرار دیتے ہوئے سچن پائلٹ نے کہا کہ 70 سالوں میں کسی لیڈر نے اس طرح کی یاترا نہیں کی اور وہ روزانہ 30 کلومیٹر کا سفر کر رہے ہیں، اب تک 1200 کلومیٹر کا سفر طے کر چکے ہیں جو کوئی چھوٹی بات نہیں ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز