بنگلور: بھارتیہ جنتا پارٹی (بی جے پی) حکومت کی جانب سے کرناٹک کانگریس نے میسور کے حکمراں ٹیپو سلطان کی جینتی کے سرکاری انعقاد کو ملتوی کیے جانے کے تعلق سے پوری ریاست میں تحریک چلائے گی۔
Published: undefined
کانگریس کے ریاستی سینئر رہنماؤں کی جانب سے جمعرات کو ایک میٹنگ میں یہ فیصلہ کیا گیا۔ میٹنگ میں کانگریس اراکین اسمبلی پارٹی کے لیڈر سدارمیا، ریاستی کانگریس کے صدر دنیش گنڈوراؤ، ایچ کے پاٹل، ایچ سی مہادیوپَّا اور دیگر رہنما موجود تھے۔ میٹنگ میں یہ بھی فیصلہ کیا گیا کہ بی جے پی حکومت کے اس حکم کے خلاف ریاست کے عوام سے رائے لی جائے گی۔
Published: undefined
وزیر اعلیٰ بی ایس یدی یورپا نے گذشتہ ہفتے ریاست کی باگ ڈور سنبھالنے کے بعد شیر میسور ٹیپو سلطان کی جینتی پر سرکاری تقریب کے انعقاد کو رد کیے جانے کا اعلان کیا تھا۔ یہ فیصلہ بی جے پی کے جی بوپیَّا کی اس عرضی کے تناظر میں کیا گیا جس میں کہا گیا تھا کہ ضلع میسور کے لوگوں نے سابقہ حکومت کے حکم پر سخت اعتراض ظاہر کیا ہے۔
Published: undefined
کانگریس کے رہنماؤں کا کہنا ہے کہ ٹیپو کی جینتی کا انعقاد رد کیے جانے کے فیصلے سے بی جے پی حکومت کے ذریعے اس شخص کی بے حرمتی ظاہر ہوتی ہے جس نے برطانوی نو آبادیات کے خلاف جنگ کی اور شہید ہوئے۔
Published: undefined
پارٹی ذرائع کے مطابق کانگریس کے رہنماؤں نے ان اسمبلی سیٹوں پر مضبوط امیدوار اتارنے کا فیصلہ کیا ہے جو 15 باغی اراکین اسمبلی کے نا اہل ٹھہرائے جانے کے بعد خالی ہوئی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined