نندی گرام کے نتائج کو لےکر ممتا پہنچی عدالت، سنوائی آج

مغربی بنگال کی وزیر اعلی ممتا بینرجی نےنندی گرام اسمبلی حلقہ کے نتائج کو کولکتہ ہائی کورٹ میں چیلنج کیا ہے ۔اس معاملہ کی عدالت میں آج سنوائی ہو گی ۔ واضح رہے ممتا بینرجی ریاست میں تیسری مرتبہ وزیر اعلی بنی ہیں ۔ ممتا بینرجی کی پارٹی ترنمول کانگریس کو اس مرتبہ دو سو سےزیادہ نشستیں حاصل ہو ئی تھیں لیکن ممتابینر جی خود نندی گرام اسمبلی حلقہ سےہار گئی تھیں ۔

نتائج کے اعلان کے فورا بعد ممتا بینرجی نے کہا تھا کہ وہ نندی گرام کے عوام کے فیصلہ کو قبول کرتی ہیں لیکن وہ ووٹوں کی گنتی کے دوران ہوئی گڑ بڑی کو لے کر عدالت جائیں گی۔ انہوں نے کہا تھا کہ ان کےپاس جانکاری ہے کہ انتخابی نتائج کے اعلان کے بعد کچھ گڑبڑی ہوئی تھی اور اس کا وہ خلاصہ کریں گی۔واضح رہےترنمول چھوڑ کر بی جےپی میں گئے شوبھیندو ادھیکاری نندی گرام میں گنتی کےدوران شروع سےہی بڑھت بنائےہوئےتھے لیکن پھرممتا بینرجی آ گےہو گئی تھیں لیکن پھر شوبھیندو ادھیکاری آگے ہو گئےاور ان کی جیت کا اعلان کر دیا گیا ۔ ممتا بینرجی کا ماننا ہے کہ گنتی میں گڑ بڑی ہوئی ہے۔

واضح رہےشوبھیندو ادھیکاری اسمبلی میں حزب اختلاف کے رہنما ہیں اور ان کو بی جے پی میں کافی اہمیت دی جا رہی ہے۔ انہوں نےابھی حال ہی میں بی جےپی کےبڑےسیاسی رہنماؤں سے ملاقات کی ہے۔ادھر ممتا بینرجی نے مغربی بنگال کے گورنر کو ہٹانے کے لئے وزیر اعظم نریندر مودی کو کئی خط لکھےہیں اور گورنر نے کل صدر جمہوریہ سے ملاقات کی ہے۔