چھاتروں کی گونج LIVE: ’ملک کی بیٹیاں کچھ کہنا چاہتی ہیں...‘، تھوڑی دیر میں شروع ہوگی راہل گاندھی اور طالبات کی گفتگو

لوک سبھا میں حزب اختلاف کے قائد راہل گاندھی مہاراشٹر کے پونے پہنچ چکے ہیں۔ تھوڑی ہی دیر میں وہ پونے واقع ’اے آئی ایس ایس ایم ایس کالج آف انجینئرنگ‘ میں ’چھاتروں کی گونج‘ پروگرام کے تحت طالبات اور جین-زی خواتین سے گفتگو کرنے والے ہیں۔ اس تقریب کو لے کر نوجوان خواتین میں زبردست جوش دیکھنے کو مل رہا ہے اور کالج گراؤنڈ میں ہزاروں خواتین کی بھیڑ بے صبری سے راہل گاندھی کا انتظار کر رہی ہے۔ یہاں راہل گاندھی طالبات اور نوجوان خواتین سے ان کی کہانیاں سنیں گے، جس میں وہ بتائیں گی کہ موجودہ حالات میں ان کس طرح کے مسائل کا سامنا کرنا پڑتا ہے۔ تعلیمی، سماجی اور معاشی حالات پر بھی وہ اپنی باتیں رکھیں گی۔