نئی دہلی: ہندوستان نے اتوار کو کہا کہ کینیڈا کے سفارت کاروں کی تعداد میں مساوات کے حقوق کا استعمال اس لئے کرنا پڑا کیونکہ وہ ہندوستان کے اندرونی معاملات میں مسلسل مداخلت کر رہے تھے، جس کی تفصیلات آنے والے وقت میں معلوم ہوں گی۔
Published: undefined
وزیر خارجہ ایس جے شنکر نے آج یہاں ایک پروگرام میں یہ بات کہی۔ انہوں نے امید ظاہر کی کہ کینیڈا میں ہندوستانی ہائی کمیشن کے سفارت کاروں کی سیکورٹی کا مسئلہ جلد حل ہو جائے گا اور ویزا سروس بھی جلد بحال کر دی جائے گی۔
Published: undefined
پروگرام میں ہندوستان اور کینیڈا کے تعلقات کے بارے میں پوچھے جانے پر وزیر خارجہ نے کہا کہ ہندوستان اور کینیڈا کے درمیان صورتحال اس وقت کافی پیچیدہ ہے۔ مسئلہ کینیڈا میں ایک مخصوص سیاسی طبقے کی وجہ سے ہے۔ڈاکٹر جے شنکر نے کہا کہ اس وقت لوگوں کی سب سے بڑی پریشانی ویزا سروس ہے۔ چند ہفتے قبل ہمیں اس سروس کو بند کرنا پڑا کیونکہ اب ہمارے سفارت کاروں کے لیے ویزا جاری کرنا محفوظ نہیں رہا۔ ان کی حفاظت ہماری سب سے بڑی تشویش ہے۔
Published: undefined
ہم نے عارضی طور پر ویزا سروس بند کر دی ہے۔ ہم صورتحال کا بہت قریب سے جائزہ لے رہے ہیں۔ انہوں نے کہا، "ہمیں امید ہے اور ہماری توقع ہے کہ مجموعی صورت حال میں بہتری آئے گی۔ "ہمارے سفارت کار اپنی سلامتی کے بارے میں پراعتماد محسوس کریں گے اور ایک سفارت کار ہونے کی بنیادی ذمہ داریاں نبھانے کے لیے تیار ہوں گے۔"
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined