کولکاتا: ترنمول کانگریس میں شمولیت سے قبل تری پورہ سے بی جے پی کے ممبر اسمبلی آشیش داس نے آج کالی گھاٹ میں ادی کنگا میں نہانے کے بعد اپنا سرمنڈویا اور کہا ہے کہ وہ مہالیہ کے موقع پر ترنمول کانگریس میں شمولیت اختیار کریں گے۔
Published: undefined
آشیش داس نے کہا کہ وہ بی جے پی میں شامل ہونے کا کفارہ ادا کرنا چاہتے ہیں۔ تریپورہ کے سورما اسمبلی حلقہ سے بی جے پی ممبراسمبلی آشیش داس نے کل کلکتہ پہنچے کے بعد وزیرا علیٰ ممتا بنرجی کی جم کر تعریف کرتے ہوئے انہوں نے تری پورہ کے وزیر اعلیٰ پبلب دیو پر عدالت کی توہین کرنے کا الزام لگاتے ہوئے کہا کہ تری پورہ کے وزیر اعلیٰ ناکام ہوچکے ہیں۔ تری پورہ میں ہی نہیں بلکہ ہندوستان میں بی جے پی کا اصل چہرہ بے نقاب ہوچکا ہے۔
Published: undefined
انہوں نے کہا کہ جان بوجھ کر ابھیشیک بنرجی کو تری پورہ میں ریلی کرنے نہیں دی جا رہی ہے۔ گزشتہ مہینے مبینہ طور پر تریپورہ کے کئی ایم ایل اے ممتا بنرجی سے ملنے کے لیے کلکتہ آئے تھے۔ ان میں بی جے پی ایم ایل اے سدیپ رائے برمن بھی تھے۔ جن کے ساتھ تریپورہ کے وزیر اعلیٰ بپلب دیو اور بی جے پی قیادت کے درمیان اختلافات عروج پر پہنچ گئے ہیں۔ ان حالات میں قیاس آرائی کی جا رہی کہ اگلے چند مہینوں میں بی جے پی کے کئی اور ممبر اسمبلی ترنمول کانگریس میں شامل ہوسکتے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined