قومی خبریں

بہار اسمبلی انتخابات: این ڈی اے میں سیٹوں کی تقسیم کا اعلان، جے ڈی یو اور بی جے پی 101-101 نشستوں پر کریں گی مقابلہ

سیٹوں کی تقسیم پر بہار کے بی جے پی انچارج ونود تاوڑے نے کہا کہ ’’آئندہ بہار اسمبلی کے لیے این ڈی اے پریوار کے تمام ممبران نے باہمی رضامندی سے خوشگوار ماحول میں سیٹوں کی تقسیم کو آخری شکل دی۔‘‘

نتیش کمار اور نریندر مودی کی فائل تصویر
نتیش کمار اور نریندر مودی کی فائل تصویر 

آئندہ ماہ 2 مرحلوں میں ہونے والے اسمبلی انتخاب کے لیے این ڈی اے میں سیٹوں کی تقسیم کا اعلان ہو گیا ہے۔ اس بار بی جے پی اور جے ڈی یو 101-101 سیٹوں پر انتخاب لڑیں گی، جبکہ چراغ پاسوان کی پارٹی کو 29 سیٹیں دی گئی ہیں۔ اس کے علاوہ اتحاد میں شامل جیتن رام مانجھی اور اوپیندر کشواہا کی پارٹی کو 6-6 سیٹیں دی گئی ہیں۔

Published: undefined

سیٹوں کی تقسیم پر بہار کے بی جے پی انچارج ونود تاوڑے نے کہا کہ آئندہ بہار اسمبلی کے لیے این ڈی اے پریوار کے تمام ممبران نے باہمی رضامندی سے خوشگوار ماحول میں سیٹوں کی تقسیم کو آخری شکل دی، جو اس طرح ہے:

  • بی جے پی – 101 سیٹ

  • جے ڈی یو – 101 سیٹ

  • لوجپا (رام ولاس) – 29 سیٹ

  • ہندوستانی عوام مورچہ – 06 سیٹ

  • راشٹریہ لوک مورچہ – 06 سیٹ

واضح رہے کہ جیتن رام مانجھی کی پارٹی ہندوستان عوام مورچہ ٹیکاری، کٹمبال، اتری، امام گنج، سکندرا اور بارا چٹی سے میدان میں اترے گی۔ اوپیندر کشواہا کی پارٹی راشٹریہ لوک مورچہ سہسرام، دنارا، اجیارپور، مہوا، باجپٹی اور مدھوبنی سے انتخابی میدان میں اترے گی۔

Published: undefined

سیٹ کی تقسیم کے  بعد جے ڈی یو کے قومی ایگزیکٹو صدر سنجے کمار جھا نے کہا کہ ہم این ڈی اے کے ساتھیوں نے آپسی رضامندی سے سیٹوں کی تقسیم کو حتمی شکل دی ہے۔ این ڈی اے اتحاد میں شامل تمام پارٹیوں کے لیڈران اور کارکنان سیٹ کی تقسیم کے فارمولے کا خوشی کے ساتھ خیرمقدم کرتے ہیں۔ ساتھ ہی کہا کہ نتیش کمار کو پھر سے وزیر اعلیٰ بنانے کے لیے پرعزم اور متحد ہیں۔ بہار ہے تیار، پھر سے این ڈی اے سرکار۔

Published: undefined

دوسری جانب این ڈی اے کی سیٹ تقسیم پر پورنیہ سے رکن اسمبلی پپو یادو نے طنز کسا ہے۔ سوشل میڈیا پلیٹ فارم ’ایکس‘ پر انہوں نے لکھا کہ ’’سنجے جھا نے آج اپنا مشن مکمل کر لیا۔ نتیش کمار جی کو وزیر اعلیٰ کی کرسی چھوڑنے کے لیے مجبور کرنے کی سازش مکمل ہو گئی۔ بی جے پی 101 سیٹ اور بی جے پی کی ایچ ٹیم مطلب مودی کے ہنومان کو 29 سیٹ، دیگر 2 کو 12 سیٹیں دی گئی ہیں۔‘‘ ساتھ ہی انہوں نے لکھا کہ ’’اس کا مطلب یہ ہوا کہ ٹیم بی جے پی 142 سیٹوں پر انتخاب لڑے گی۔ جے ڈی یو 101 پر! نتیش کمار کو ختم کرنے کی مہم مکمل، انتہائی پسماندہ اور دلت سماج خبردار ہو جاؤ، بی جے پی بھگاؤ، اپنے حقوق اور وقار کی حفاظت کرو۔‘‘

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined