رائے پور: چھتیس گڑھ کے وزیراعلی بھوپیش بگھیل نے ریاست میں کورونا کے مسلسل بڑھتے معاملوں کے پیش نظر افسروں کو سبھی جگہ ماسک کے استعمال اور جسمانی دوری کے اصولوں پر سختی سے عمل کروانے کی ہدایت دی ہے۔
Published: undefined
بھوپیش بگھیل نے آج اپنی رہائش گاہ کے دفتر میں کابینہ کے اراکین کے ساتھ ریاست میں کورونا ٹیکہ کاری اور کووڈ- 19 انفیکشن پر کنٹرول کے لئے کیے گئے انتظام کا جائزہ لیا۔ انہوں نے بڑھتے کورونا انفیکشن کو روکنے کے لئے بچاؤ کے سبھی اقدامات اور ہدایات پر سختی سے عمل کرنے کو یقینی بنانے کی ہدایت دی۔
Published: undefined
انہوں نے ہولی کے تہوار کے ساتھ ہی شادی، جنازے اور دیگر عوامی انعقاد کے سلسلے میں چیف سکریٹری کی صدارت میں داخلہ، صحت، شہری انتظامیہ، اسکولی تعلیم، اعلی تعلیم، خواتین اور بچوں کی ترقی، پنچایت اور دیہی ترقی، سیاحت اور عوامی انتظامیہ محکمے کے افسروں سے بات چیت کرکے ضروری ہدایات جاری کرنے کی ہدایت دی۔ انہوں نے کووڈ انفیکشن کی پہچان کے لئے روزانہ جانچ کی تعداد بڑھانے کو کہا۔
Published: undefined
بھوپیش بگھیل نے متاثرین کے علاج کے لئے سبھی کووڈ اسپتالوں اور آئیسولیشن سینٹروں میں آکسیجن کی سہولت والے بستروں کے ساتھ ہی دیگر سبھی خدمات کا چاک چوبند انتظام رکھنے کو کہا ہے۔ وزیراعلی نے صحت اہلکاروں، فرنٹ لائن ورکرس ،60 سال سے زیادہ کی عمر والے شہریوں اور 45 سال سے 59 سال تک کے کو موربیڈیٹی والوں کی ٹیکہ کاری میں تیزی لانے کی بھی ہدایت دی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined