کولکاتا: وزیرا علیٰ ممتا بنرجی نے تریپورہ میں ابھشیک بنرجی کی زندگی کو خطر ہ ہونے کا شبہ کا ظاہر کرتے ہوئے مرکزی وزیر داخلہ امت شاہ کی سخت تنقید کی اور کہا کہ ان کے اشارے پر ہی تریپورہ میں بی جے پی کے لوگ غنڈہ گردی کا مظاہرہ کر رہے ہیں۔ خیال رہے کہ گزشتہ پیر کوترنمول کانگریس کے جنرل سیکریٹری ابھشیک بنرجی تریپورہ کے دورے پر تھے اور اس درمیان ان کے قافلے پر حملہ کیا گیا۔اس کے بعد ترنمول کانگریس کے طلبا لیڈروں پر حملہ کیا گیا جس میں وہ زخمی ہوگئے تھے۔ آج تریپورہ میں زخمی طلبا لیڈروں کو کولکاتا لایا گیا اور انہیں ایس ایس کے ایم اسپتال میں داخل کرایا گیا ہے۔ آج ممتا بنرجی نے ایس ایس کے ایم اسپتال جاکران کی عیادت کی۔
Published: undefined
ممتا بنرجی نے کہا کہ ابھشیک بنرجی کی زندگی تریپورہ میں خطرے میں ہے اور یہ سب امت شاہ کے اشارے پر ہوا ہے۔ ممتا بنرجی نے مزید کہا کہ جس طریقے سے ابھشیک بنرجی کے قافلے پر حملہ کیا گیا، اس سے ان کی زندگی کو نقصان پہنچ سکتا تھا۔ انہوں نے کہا کہ بعد میں انتظامیہ نے انہیں بلٹ پروف گاڑی فراہم کی، اگر گاڑی کا شیشہ ٹوٹ جاتا تو ان کے سر کو نقصان پہنچ سکتا تھا، اور یہ سب کچھ پولیس کے سامنے ہوا ہے۔
Published: undefined
ممتا بنرجی کا کہنا ہے کہ ابھشیک بنرجی کو نقصان پہنچانے کے لئے طرح طرح کے منصوبے بنائے جارہے ہیں۔ انھوں نے یہ دعویٰ بھی کیا کہ جب ابھشیک بنرجی ہوائی جہاز میں کہیں جاتے ہیں تو ان کے ساتھ والی پانچ سیٹیں بک کر کے بدمعاشوں کے حوالے کیا جا رہا ہے۔ میں کہہ رہی ہوں کہ ابھشیک کی جان کو خطرہ ہے۔ وزیر اعلیٰ نے مزید کہا کہ تریپورہ میں بی جے پی کی شیطانی حکومت ہے، ہمارے کارکنان کومارا پیٹا جارہے۔ ممتا بنرجی نے کہا کہ زخمیوں کو 36 گھنٹے تک علاج فراہم نہیں کیا گیا ہے، یہ سب امت شاہ کے اشارے پر ہوا ہے۔ تریپورہ کے وزیرا علیٰ میں اتنی ہمت نہیں ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز