نئی دہلی: آئی این ایکس میڈیا معاملے میں عدالتی حراست میں تہاڑ جیل میں مقید کانگریس کے سینئر لیڈر اور سابق مرکزی وزیر پی چدمبرم نے پیر کے دن کہا ہے کہ جب تک کانگریس پارٹی مضبوط ہے اور ہمت کے ساتھ کام کررہی ہے تب تک وہ بھی اسی مضبوطی کے ساتھ لڑتے رہیں گے۔
Published: undefined
کانگریس صدر سونیا گاندھی اور سابق وزیراعظم منموہن سنگھ نے آج صبح تہاڑ جیل جاکر پی چدمبرم سے ملاقات کی۔ اس کے بعد سابق مرکزی وزیر نے ٹوئٹ کیا کہ ’’میں آج عزت محسوس کررہا ہوں کہ سونیا گاندھی اور ڈاکٹر منموہن سنگھ جی مجھ سے ملنے آئے۔ جب تک کانگریس پارٹی مضبوط اور بہادر ہے میں بھی مضبوط اور بہادر رہوں گا۔‘‘
Published: undefined
وزیراعظم نریندر مودی کی جانب سے اتوار کو امریکہ میں ہوسٹن میں ’ہاؤڈی مودی‘ پروگرام پر اپنے خیالات کا اظہار بھی پی چدمبرم نے کیا۔ انھوں نے اس سلسلے میں ٹوئٹ کرتے ہوئے کہا کہ ’’ہندوستان میں سب اچھا ہے‘ طنز کرتے ہوئے پی چدمبرم نے کہا کہ ’’بے روزگاری، کم تنخواہ، ہجومی تشدد، کشمیر میں تالہ بندی، موجودہ نوکریوں کے ختم ہونے اور اپوزیشن لیڈروں کو جیل میں ڈالنے کے علاوہ ہندوستان میں سب اچھا ہے۔‘‘
Published: undefined
سونیا گاندھی اور منموہن سنگھ کا تہاڑ جاکر سابق وزیرخزانہ سے ملاقات کرنا یہ واضح کرتا ہے کہ پارٹی ان کے ساتھ پوری طرح سے کھڑی ہے۔کچھ دن پہلے ہی کانگریس کے سینئر لیڈر غلام نبی آزاد اور احمد پٹیل نے بھی تہاڑ جیل جاکر پی چدمبرم سے ملاقات کی تھی۔
Published: undefined
پی چدمبرم آئی این ایکس میڈیا معاملے میں 3 اکتوبر تک عدالتی حراست میں تہاڑ جیل میں ہیں۔ انہیں مرکزی جانچ بیورو (سی بی آئی) نے 21 اگست کو اس معاملے میں گرفتار کیا تھا۔ وہ 5 ستمبرسے عدالتی حراست میں ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined