حیدرآباد: آندھراپردیش کے وشاکھا کے ایجنسی علاقہ میں سردی کی لہر میں اضافہ ہوگیا ہے۔ ایجنسی علاقوں میں درجہ حرارت میں کمی ہوگئی ہے جہاں درجہ حرارت 11 ڈگری سلسیس درج کیا گیا ہے۔
Published: undefined
ایجنسی علاقہ کے لمباسنگی میں 12 ڈگری سلسیس درجہ حرارت درج کیا گیا ہے۔ اراکو، چنتاپلی میں درجہ حرارت 14 ڈگری سلسیس درج کیا گیا ہے۔ ریاست کے کئی مقامات پر سردی کی لہر میں بتدریج اضافہ ہو رہا ہے۔
Published: undefined
کئی مقامات پر صبح کی اولین ساعتوں میں درجہ حرارت میں کمی ہوگئی ہے۔ جنوری اور فروری میں سردی کی لہر زیادہ ہوتی ہے تاہم دسمبر میں ہی اس میں اضافہ ہوا ہے۔ ریاست کے ایجنسی علاقوں کے عوام سردی سے پریشان ہیں۔
Published: undefined
فٹ پاتھس پر سونے والے افراد سردی سے کافی متاثر ہیں جو سردی سے بچنے کے لئے کمبل اور لحاف کا استعمال کر رہے ہیں۔ فٹ پاتھس پر سونے والے کئی ایسے افراد بھی ہیں جن کے پاس کمبل یا لحاف کے علاوہ سردی سے بچنے کے لئے کوئی چیز نہیں ہے۔
Published: undefined
رات کے اوقات اور صبح کی اولین ساعتوں میں بس اسٹیشنس و ریلوے اسٹیشنس میں بسوں و ٹرینوں کا انتظار کرنے والے اور اپنے رشتہ داروں کو چھوڑنے کے لئے آنے والوں کو دشواریوں کا سامنا کرنا پڑ رہا ہے۔ سردی کے سبب سڑکوں پر رات کے اوقات میں عوام کے ہجوم میں کمی دیکھی جارہی ہے۔ لوگ صبح میں گرم لحافوں سے نکلنے سے گریز کر رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined