لکھنؤ: سماج وادی پارٹی کے صدر و سابق وزیر اعلی اترپردیش اکھلیش یادو نے ریاست کی بی جے پی حکومت کو ڈیزاسٹر منیجمنٹ میں پوری طرح سے ناکام بتاتے ہوئے کہا کہ لگاتا ہورہی بارش سے شہریوں کے جان ومال کی حفاظت میں ناکام ثابت ہوئی ہے۔
Published: undefined
اکھلیش یادو نے یہاں جاری اپنے بیان میں کہا کہ بی جے پی حکومت نے عوام کو سوائے تباہی اور پریشانی کے کچھ حاصل ہونے والا نہیں ہے۔ اترپردیش میں مسلسل ہورہی بارش سے معمولات زندگی پوری طرح سے درہم برہم ہے۔ ندیوں میں طغیانی ہے۔ کھیت،گاؤں ،مکان سب زیر آب ہیں۔ اب تک 100 سے زیادہ افراد لقمہ اجل بن چکے ہیں۔ سرکاری اندیکھی کی وجہ سے کئی اضلاع میں سیلاب میں پھنسے لوگوں تک نہ تو راحت پہنچ رہی ہے اور نہ ہی بچاؤ کام ہورہا ہے۔ آدمیوں کے ساتھ مویشیوں تک کی جان خطرے میں ہے۔
Published: undefined
انہوں نے کہا کہ ایسا نہیں ہے کہ ریاست میں پہلی بار بارش ہوئی ہے۔ انتظامیہ۔حکومت کو مستعدی کا مظاہرہ کرتے ہوئے پہلے ہی اس کی تیاری کرلینی چاہئے تھے۔ لیکن حکومت اس میں ناکام ثابت ہوئی ہے۔ حکومت کا دھیان تو سماج کو بانٹنے،نفرت پھیلانے اور کسی بھی طرح ووٹ حاصل کرنے میں رہتا ہے۔
Published: undefined
بارش کی وجہ سے بدحالی کا عالم یہ ہے کہ لکھیم پور کھیری میں درخت گرنے سے وزیر تک راستے میں پھنس چکے ہیں۔ رائے بریلی میں پانی بھرنے سے این ٹی پی سی پلانٹ کی ایک یونٹ بند ہوگئی ہے جس سے بجلی کا بحران پیدا ہوگیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز