رائے پور: چھتیس گڑھ کے ریاستی گیت کے بعد اب ریاستی گمچھا بھی ہوگا۔ سرکاری تقریبات میں اب یہ گمچھا مہمانوں کوپیش کیا جائے گا۔ ریاست میں دسمبر 18 میں اسمبلی انتخابات کے بعد کانگریس کی حکومت بننے پر تقریباً ایک سال بعد وزیراعلیٰ بھوپیش بگھیل نے راجیوتسو کے موقع پر ڈاکٹر نریندر دیو ورما کے ’ارپا پیری‘ گیت کو ریاستی گیت قرار دیا تھا۔ اب وزیراعلیٰ بگھیل نے چھتیس گڑھ کے گمچھے کا افتتاح کیا ہے۔
Published: undefined
چھتیس گڑھ اسٹیٹ ہینڈلوم ایسوسی ایشن کے ذریعہ ریاست کے روایتی ثقافتی ورثے کی نمائش کرنے والے یہ گمچھے ٹسرسلک اور کاٹن بنکروں و ٹیٹو دستکاروں کے ذریعہ تیار کرائے گئے ہیں۔ گمچھے پر چھتیس گڑھ کے ریاسی پرندے پہاڑی مینا، ریاستی جانورجنگلی بھینسا، ماندر، بستر کے مشہور گورمکٹ اور لوک رقص کرتے ہوئے لوک فنکاروں کی تصویر ٹیٹو پینٹنگ سے کندہ کی گئی ہے۔
Published: undefined
گمچھے کی ڈیزائن میں دھان کے پیالے کی شکل میں مشہور چھتیس گڑھ اسٹیٹ کی نمائش کرنے کے لئے دھان کی بالی اور ہل چلاتے کسان کو دکھایا گیا ہے۔ سرگجا کی روایتی دیوار کی پینٹنگ کی چھاپ گمچھے کے بارڈر میں نشان زد کی گئی ہے۔ گمچھا تیار کرنے کے معاوضے کے علاوہ گمچھے سے حاصل ہونے والی آمدنی کا 95 فیصد حصہ بنکروں اور ٹیٹو کاریگروں کو دیا جائے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم