نئی دہلی: متعدد ہندوستانیوں سمیت 150 افراد کو طالبان کی جانب سے اغوا کئے جانے کی خبر پر رد عمل ظاہر کرتے ہوئے کانگریس نے افغانستان کی صورت حال کو خطرناک قرار دیا ہے۔ پارٹی نے امید ظاہر کی ہے کہ نریندر مودی حکومت اس بحران پر توجہ دے گی اور تمام ہندوستانی شہریوں کو بحفاظت واپس لانے کے لئے حتمی کارروائی کرے گی۔
Published: undefined
ایک ٹوئٹ میں کانگریس کے ترجمان رندیپ سنگھ سرجے والا نے کہا کہ یہ بے حد پریشان کن اور تشویش ناک بات ہے۔ یہی وجہ ہے کہ کانگریس نے مودی حکومت سے تمام ہندوستانیوں کو نکالنے اور اپنی ذمہ داری سے قدم پیچھے نہیں کھینچنے کی اپیل کی ہے۔ امید ہے کہ مودی حکومت اب اس پر توجہ دے گی اور ہمارے تمام شہریوں کو بحفاظت واپس لائے گی۔
Published: undefined
سرجے والا کا رد عمل افغانستان کی مقامی میڈیا کے ذریعہ یہ خبر رپورٹ کئے جانے کے فوراً بعد سامنے آیا ہے کہ طالبان نے ہفتہ کے روز کابل ہوائی اڈے سے 150 سے زیادہ افراد کو اغوا کر لیا ہے، جن میں بیشتر ہندوستانی شامل ہیں۔ تاہم، طالبان کے ایک عہدیدار نے غیر ملکی افراد کے اغوا کی تردید کی ہے۔
Published: undefined
طالبان کے ترجمان احمد اللہ واسیک نے کہا، کابل ایئر پورٹ سے غیرملکی افراد کو اغوا کئے جانے کی خبر محض افواہ ہے۔ طالبان کے نمائندگان تمام غیر ملکی شہریوں کو ہوائی اڈے تک پہنچنے میں مدد کر رہے ہیں۔ ہم تمام غیرملکیوں کو ہوائی اڈے تک پہنچنے کے لئے محفوظ راستہ فراہم کر رہے ہیں۔ خیال رہے کہ طالبان نے گزشتہ اتوار کے روز افغانستان کے اقتدار پر قبضہ کر لیا تھا اور اب وہ وہاں حکومت سازی کی کوشش کر رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined