ممبئی میں 13 منزلہ عمارت میں شدید آتشزدگی، کئی سامان جل کر خاک، سیکوریٹی گارڈ کی موت

ممبئی کے ودیا وِہار علاقے میں پیر کی صبح 13 منزلہ رہائشی عمارت میں شدید آگ لگ گئی۔ اس آتشزدگی میں ایک سیکوریٹی گارڈ کی موت ہو گئی جبکہ ایک دیگر شخص زخمی ہو گیا۔ ایک فائر آفیسر نے بتایا کہ آگ صبح 4:35 بجے ودیا وِہار اسٹیشن کے سامنے نیتھانی روڈ پر واقع تکشیلا کو آپریٹیو ہاؤسنگ سوسائٹی میں لگی۔

انہوں نے بتایا کہ آگ سے عمارت کی پہلی اور دوسری منزل پر واقع پانچ فلیٹوں میں بجلی کے سامان، گھریلو سامان، لکڑی کے فرنیچر، اے سی یونٹ اور کپڑے جل گئے۔

ساتھ ہی بلڈنگ کی پہلی اور دوسری منزل کی لابی میں لکڑی کی دیوار کی فٹنگ، فرنیچر اور جوتے رکھنے کی ریک بھی جل گئی۔ افسر نے بتایا کہ 15 سے 20 لوگوں کو محفوظ بچا لیا گیا ہے۔ دو سیکوریٹی گارڈ زخمی ہو گئے اور انہیں راجاواڑی اسپتال بھیجا گیا ہے جہاں ان میں سے ایک اُدے گنگن (43) کو مردہ قرار دے دیا گیا۔

افسر نے بتایا کہ مردہ 100 فیصد جل گیا تھا۔ انہوں نے بتایا کہ دوسرا شخص سبھاجیت یادو (52) 25 سے 30 فیصد تک جھلس گیا ہے اور اس کا علاج چل رہا ہے۔ افسر نے آگے یہ بھی بتایا کہ یہ صرف لیول 2 کی آگ تھی اور صبح 7:33 بجے تک اس پر قابو پا لیا گیا۔ آگ لگنے کی وجہ ابھی پتہ نہیں چل پائی ہے۔