نئی دہلی: مرکزی کابینہ کے اجلاس میں لڑکیوں کی شادی کی کم از کم عمر بڑھانے سے وابستہ ایک بل کو منظوری دی گئی ہے۔ گزشتہ سال وزیر اعظم نریندر مودی کے لال قلعہ سے دی گئی اپنی تقریر میں حکومت کی منشا ظاہر کی تھی۔ اس پر عمل کرتے ہوئے اب لڑکیوں کی شادی کی کم از کم عمر کی حد جل ہی 18 سے بڑھا کر 21 سال کرنے کی تیاری چل رہی ہے۔
Published: undefined
لڑکیوں کی شادی کی عمر میں اضافہ سے متعلق بل پارلیمنٹ کے اسی اجلاس میں پیش کیا جا سکتا ہے۔ شادی کی عمر کی حد بڑھانے کے لئے چائلڈ میرج ایکٹ میں ترمیم کی جائے گی۔ اس قانون کے تحت فی الحال لڑکیوں کی شادی کی عمر کی حد 18 سال مقرر کی گئی ہے۔
Published: undefined
میڈیا رپورٹ کے مطابق قانون میں تبدیلی کے لئے ترمیمی بل کو بدھ کے روز ہونے والے کابینہ اجلاس میں منظوری فراہم کی گئی ہے۔ وزیر اعظم نریندر مودی نے کابینہ کے اجلاس کی صدارت کی۔ اس معاملہ پر گزشتہ سال تشکیل شدہ ٹاسک فورس نے اپنی رپورٹ میں لڑکیوں کی شادی کی کم از کم عمر 18 سال سے بڑھا کر 21 سال کئے جانے کی سفارش کی تھی۔
Published: undefined
سابق رکن پارلیمنٹ جیا جیٹلی کی صدارت میں ٹاسک فورس تشکیل دی گئی تھی، جس نے اپنی رپورٹ میں ماں بننے کی عمر کی حد اور خواتین سے واستہ دیگر موضوعات پر بھی اپنی سفارش پیش کی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز