دہلی کے ایک سرکاری اسکول میں 12 ویں کی طالبہ نے خود کو لگائی آگ، موقع پر ہی موت، پولیس تحقیقات میں مصروف

دہلی کے شاہدرہ ضلع کے کرشنا نگر میں واقع ایک اسکول سے بڑا واقعہ سامنے آیا ہے۔ یہاں 12ویں جماعت کی ایک طالبہ نے خود کو آگ لگا لی، جس سے وہ بری طرح جھلس گئی اور اس کی موت ہو گئی۔ واقعے کی اطلاع ملتے ہی کرشنا نگر تھانے کی پولیس فوری طور پر موقع پر پہنچ گئی۔ بتایا جا رہا ہے کہ طالبہ کی سالگرہ کل یعنی 25 اکتوبر کو تھی۔ اس کی عمر 19 سال تھی، لیکن آج اس نے خودکشی کر لی۔ رپورٹس کے مطابق طالبہ نے اسکول کے اندر خود پر پٹرول ڈال کر خودکشی کی۔ ہندی نیوز پورٹل ’این ڈی ٹی وی انڈیا‘ پر شائع ایک رپورٹ کے مطابق پولیس کو جائے وقوعہ سے خودکشی کے 3 نوٹ بھی ملے ہیں۔ ایسے میں پولیس ہر پہلو سے معاملے کی تحقیقات میں مصروف ہے۔