جگدل پور: چھتیس گڑھ کے بستر ضلع میں آج شام پولس اور نکسلیوں کے درمیان جھڑپ میں سات نکسلی انتہاپسند ہلاک ہوگئے ۔ بستر رینج کے انسپکٹر جنرل آف پولس ویویکانند سنہا نے بتایاکہ اطلاع ملی تھی کہ اڑیشہ سرحد سے ملحقہ گاؤں تریا کے جنگل میں نکسل شہید ہفتہ میں بڑی واردات کو انجام دینے کی تاک میں بڑی تعداد میں انتہاپسند جمع ہوئے ہیں۔
Published: undefined
فورا ہی نگر نار تھانہ سے اسپیشل ٹاسک فورس ،ریزور پولس بل اور ضلع پولس فورس تلاشی کےلیے روانہ کی گئی ،جس نے منصوبہ بندطریقہ سے علاقہ کا محاصرہ کرلیا۔
Published: undefined
انھوں نے بتایاکہ پولس کی موجودگی کے بارے میں شبہہ ہونے پر نکسلیوں نے فائرنگ شروع کردی ۔جوابی کارروائی میں پولس نے بھی فورا مورچہ سنبھالتے ہوئے فائرنگ کی ۔تقریبا ایک گھنٹہ کی مڈبھیڑ کے بعد بالآخر نکسلی گھنے جنگل اور پہاڑی کی آڑ لیکر بھاگ گئے ۔
Published: undefined
انھوں نے بتایاکہ مڈبھیڑ کی جگہ سے ملے شواہد ،خون کے دھبے اور گھسیٹے جانے کے نشان سے یہ ثابت ہوتاہے کہ کم سے کم مزید 5سے 6نکسلی مارے گئے ہیں ۔نکسلی اپنے ساتھیوں کی لاشیں ساتھ لے جانے میں کامیاب رہے ۔
Published: undefined
سنہا نے بتایاکہ موقع سے 7باوردی نکسلیوں کی لاشیں برآمد کی گئی ہیں جن کی شناخت کی جارہی ہے ۔جائے وقوعہ کی تلاشی کے دوران انساس رائفل ، 303رائفل ،12بور بھرمار بندوق،بینر ،پوسٹر ،دوائیاں ،گولہ بارود ،ڈیٹونیٹر ،بجلی کے تار،بیٹری ،روزمرہ کے استعمال کی اشیا اور نکسلی لٹریچر برآمد کیاگیاہے ۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined