مہاراشٹر کے پونے میں ایک انتہائی افسوسناک معاملہ سامنے آیا جہاں ایک 36 سالہ خاتون نے اسپتال کی پانچویں منزل سے چھلانگ لگا کر مبینہ طور پر خودکشی کر لی۔ میڈیا ذرائع کے مطابق اسی اسپتال میں خاتون کے بیٹے کا علاج چل رہا ہے۔ مقامی پولس کے مطابق خاتون کا نام سیما بلانی ہے جس نے اتوار کو پونے واقع اسپتال میں 13 سالہ اپنے بیٹے کو بغرض علاج داخل کرایا تھا۔ بیٹے کو ذیابیطس اور گردے کی بیماری تھی جس کا کووڈ-19 ٹیسٹ بھی کرایا گیا ہے لیکن رپورٹ کا انتظار ہے۔
Published: undefined
خبروں کے مطابق سیما بلانی کے شوہر کا تقریباً تین مہینے قبل کینسر سے انتقال ہو گیا تھا اور قابل ذکر بات یہ ہے کہ یہ فیملی جمائیکا میں رہتی تھی اور کینسر کا علاج کرانے کے لیے ہی فیملی ہندوستان پہنچی تھی، لیکن علاج کے دوران بلانی کے شوہر کا انتقال ہو گیا۔ اس تعلق سے ایک پولس افسر نے بتایا کہ "ایسا لگتا ہے کہ خاتون اپنے شوہر کی موت اور بیٹے کی بیماری سے تناؤ میں مبتلا ہو گئی تھی۔" پولس ذرائع کا کہنا ہے کہ فی الحال بلانی کی حادثاتی موت کا معاملہ درج کر لیا گیا ہے اور جانچ کی جا رہی ہے۔
Published: undefined
اس درمیان موصولہ اطلاعات کے مطابق بلانی نے مبینہ طور پر خودکشی سے قبل ایک نوٹ بھی لکھا تھا۔ ایک پولس افسر نے اس سلسلے میں بتایا کہ "یہ خطرناک قدم اٹھانے سے پہلے اس نے (بلانی) کمرے میں ایک چھوٹا نوٹ لکھ کر چھوڑا کہ اس کے بیٹے کی دیکھ بھال کی جائے۔ اسی کمرے میں اس بچے کا علاج چل رہا ہے۔"
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز