عالمی خبریں
امریکہ نے کورونا ویکسین کے دوسرے بوسٹر شاٹ کی دی منظوری
وائٹ ہاؤس کی کمیونیکیشن ڈائریکٹر کیٹ بیڈنگ فیلڈ نے ایک پریس کانفرنس میں بتایا کہ کورونا بوسٹرڈوزکی دوسری خوراک کی منظوری اچھا فیصلہ ہے۔
واشنگٹن: ادارہ فوڈ اینڈ ڈرگ ایڈمنسٹریشن (ایف ڈی اے) نے اپنے بیان میں کہا کہ امریکہ میں فائزر اور موڈیرنا ویکسین کی چوتھی ڈوز تیسری ڈوزکے 4 ماہ بعد لگائی جاسکےگی۔ ایف ڈی کے مطابق کورونا ویکسین کا دوسرا بوسٹر شاٹ 50 سال سے زائد عمرکے افراد کو لگایا جاسکےگا، جب کہ کمزور قوت مدافعت والے 12 سال سے زائد عمر بچوں کو فائزر کا دوسرا بوسٹر شاٹ دیا جاسکے گا۔
Published: undefined
اس کے علاوہ کمزور قوت مدافعت والے 18 سال سے زائد عمر کے افراد موڈیرنا کی دوسرا بوسٹر ڈوز لگوا سکتے ہیں، دوسری ڈوز کا مقصد شدید بیماری اور اسپتال میں داخل ہونے کے خلاف مزید تحفظ دینا ہے۔ وائٹ ہاؤس کی کمیونیکیشن ڈائریکٹر کیٹ بیڈنگ فیلڈ نے ایک پریس کانفرنس میں بتایا کہ کورونا بوسٹرڈوزکی دوسری خوراک کی منظوری اچھا فیصلہ ہے۔ امریکی صدر جو بائیڈن کے دوسرے بوسٹر ڈوز لگوانے سے متعلق انہوں نے کہا کہ معالج کے مشورے کے بعد جو بائیڈن ڈوز لگوانے کا فیصلہ کریں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined