اقوام متحدہ: اقوام متحدہ کی سلامتی کونسل نے افغانستان کے صوبہ ہرات میں اقوام متحدہ کے کمپلیکس اور اس کے اہلکاروں پر ہوئے حملے کی شدید مذمت کی ہے۔ ہرات میں واقع اقوام متحدہ کے کمپلیکس پر 30 جولائی کو ہوئے حملے میں افغان سیکورٹی فورس کا ایک گارڈ ہلاک ہو گیا اور متعدد زخمی ہو گئے تھے۔
Published: undefined
سلامتی کونسل کے ارکان نے حملے میں ہلاک ہونے والے گارڈ کے اہل خانہ سے اظہار تعزیت کی اور زخمیوں کے جلد صحت یاب ہونے کی دعا کی۔ انہوں نے افغانستان میں اقوام متحدہ کے امدادی مشن کے ارکان کے تحفظ کی اہمیت پر زور دیتے ہوئے کہا کہ معصوم شہریوں، اقوام متحدہ کے کیپلیکسوں اور اس کے اہلکاروں پر جان بوجھ کر کئے گئے حملے جنگی جرائم ہیں اور ان جرائم کے مرتکب افراد کے خلاف سخت کارروائی کی جانی چاہیے۔
Published: undefined
ارکان نے طالبان کے حملے کے بعد افغانستان میں جاری بڑے پیمانے پر جاری تشدد پر گہری تشویش کا اظہار کرتے ہوئے اسے فوری طور پر ختم کرنے کا مطالبہ کیا۔ انہوں نے افغانستان میں جاری مسلح تصادم سے متاثرین کے انسانی حقوق کی سنگین خلاف ورزیوں پر گہری تشویش کا اظہار کیا اور شہریوں پر جان بوجھ کر کئے جا رہے حملوں ک سخت الفاظ میں مذمت کی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined