والدین اپنی پانچ سالہ بیٹی کو ایئرپورٹ پر بھول گئے

جرمن شہر اشٹٹ گارٹ کے ایئرپورٹ کی سیکورٹی حکام ایک پانچ سالہ بچی کو مقامی پولس کے حوالے کیا۔ پولس کے مطابق ایئرپورٹ سیکورٹی کے اہلکاروں کو یہ بچی ایک ٹرمینل کے پاس اکیلے گھومتی ہوئی ملی۔

ایئرپورٹ انتظامیہ نے بچی کے والدین کو مطلع کرنے کے لیے لاؤڈ اسپیکر سسٹم پر کئی بار اعلانات کیے جو بے سود رہا۔ جس کے بعد اس بچی کو ایئرپورٹ پر ہی موجود پولس کے مرکز پر پہنچا دیا گیا۔

یہ بچی بظاہر اپنے والدین کے ساتھ چھٹیاں منانے کے بعد واپس لوٹی تھی۔ ایئرپورٹ سے اس بچی کے والدین اپنی اپنی کاروں پر گھر روانہ ہو گئے اور اس غلط فہمی میں رہے کہ دوسرا شخص بچی کو بھی اپنے ساتھ کار میں لے گیا ہو گا۔

تاہم کچھ دیر بعد بچی کی والدہ نے ایئرپورٹ انتظامیہ سے رابطہ کیا جبکہ اس کے والد جنوبی جرمنی کے اس ائیرپورٹ پر اس بچی کو لینے واپس پہنچا۔ پولس کے مطابق بچی بالکل محفوظ اور خیریت سے تھی۔