کابل: افغانستان کے دارالحکومت کابل میں دو بم دھماکوں میں ایک شخص جاں بحق اور چھ زخمی ہوگئے۔ غیر ملکی میڈیا کے مطابق پہلا دھماکہ مغربی کابل میں ہزارہ برادری کے علاقے میں ہوا جس سے ایک شخص جاں بحق اور تین زخمی ہو گئے۔ دوسرا دھماکہ پی ڈی تھری کے ایریا میں ہوا جس سے متعدد افراد زخمی ہوگئے۔
Published: undefined
خبر رساں ایجنسی کے مطابق طالبان حکومت کی وزارت داخلہ کی جانب سے دھماکے کی تصدیق کی گئی اور کہا گیا کہ یہ دھماکہ بھی گزشتہ روز ہونے والے دھماکے کی طرح ہی تھا جبکہ دونوں میں ایک ہی طرح کی د ھماکہ خیز ڈیوائسز کا استعمال کیا گیا تھا۔
طالبان کے ایک اہلکار نے بتایا کہ افغان دارالحکومت میں ہونے والے حملوں کی تازہ ترین کارروائی میں ایک مضافاتی علاقے دشت برچی میں گاڑی تباہ ہو گئی انہوں نے کہا کہ ہماری ابتدائی معلومات سے پتہ چلتا ہے کہ بم ایک منی بس سے منسلک تھا۔ ہم نے تحقیقات شروع کر دی ہیں۔
Published: undefined
واضح رہے کہ اگست میں طالبان کی اقتدار میں واپسی کے بعد سے داعش خراسان نے افغانستان کے کئی علاقوں میں حملے تیز کر دئے ہیں اور اس ماہ کے شروع میں شہر کے نیشنل ملٹری ہسپتال پر حملہ کیا، جس میں کم از کم 19 افراد ہلاک اور 50 سے زیادہ زخمی ہوئے۔ حکام نے بتایا کہ گروپ نے مشرقی ننگرہار صوبے کے صدر مقام جلال آباد شہر میں کئی حملوں کی ذمہ داری بھی قبول کی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا