اسرائیلی آئل ٹینکروں کو آبنائے ہرمز سے گزرنے کی اجازت نہیں ہے: ایرانی رکن پارلیمنٹ

ایرانی پارلیمنٹ کی قومی سلامتی اور خارجہ پالیسی کمیٹی کے سربراہ ابراہیم عزیزی نے آج کہا کہ اسرائیلی آئل ٹینکروں کو آبنائے ہرمز سے گزرنے کی اجازت نہیں ہے۔ انہوں نے کہا کہ "اسرائیلی تیل کے ٹینکروں کا آبنائے ہرمز سے گزرنا قطعی طور پر ممنوع ہے۔" انہوں نے واضح طور پر کہا کہ "خلیج فارس اور آبنائے ہرمز میں صیہونی حکومت سے متعلق جہازوں اور سامان کی نقل و حرکت، چاہے وہ فوجی ہو یا غیر فوجی، قطعی طور پر ممنوع ہے۔"

انہوں نے مزيد كہا كہ دوسرے ممالك جو اسلامي جمہوريہ ايران سے دشمنی كرتے ہيں ان پر بھي اس آبنائے ہرمز سے گزرنے پر ممانعت ہے۔ انہوں نے کہا کہ دشمن ممالک اور ایران کی سلامتی کے خلاف ان کے ساتھ تعاون کرنے والوں کو آبنائے ہرمز سے گزرنے کا حق نہیں ہے۔

دوسری جانب امریکی صدر ٹرمپ نے آج ٹروتھ سوشل پر ایران پر الزام عائد کیا ہے کہ وہ آبنائے ہرمز سے گزرنے والے تیل کی مقدار کو محدود کرکے "انتہائی ناقص کام" کر رہا ہے۔ انہوں نے لکھا کہ "ایران بہت ہی ناقص کام کر رہا ہے‘‘۔

ٹرمپ نے ٹروتھ سوشل پر کہا کہ ایران کے لیے بہتر ہے کہ وہ آبنائے ہرمز سے گزرنے کے لیے ٹینکرز کو چارج نہ کرے، یہ ایک اہم آبی گزرگاہ ہے جہاں سے  امریکہ اور اسرائیل کے ایران پر حملے سے پہلےیعنی 28 فروری سے پہلے دنیا کا 20 فیصد تیل گزرتا تھا۔ انہوں نے لکھا کہ "ایسی اطلاعات ہیں کہ ایران آبنائے ہرمز سے گزرنے والے ٹینکروں سے فیس وصول کر رہا ہے - بہتر ہے کہ وہ نہ ہوں اور اگر ایسا ہے تو بہتر ہے کہ وہ ابھی روک دیں! صدر ڈونلڈ جے ٹرمپ۔"