وزیراعظم نریندر مودی نے اقوام متحدہ کی ہیئت میں تبدیلی کو وقت کی ضرورت قرار دیتے ہوئے سنیچر کو سوال کیا کہ عالمی تنظیم کے فیصلے کے عمل سے ہندوستان کو کب تک الگ رکھا جائے گا۔
Published: undefined
مسٹر مودی نے اقوام متحدہ اجلاس سے ویڈیو کانفرنسنگ کے ذریعہ سے خطاب کرتے ہوئے کہا کہ ’’اقوام متحدہ میں تبدیلی ، نظام میں تبدیلی، ہیئت میں تبدیلی آج کے دور کا تقاضہ ہے۔ ہندوستان میں اقوام متحدہ کی جو عزت ہے وہ بہت کم ممالک میں ہے۔ یہ بھی حقیقت ہے کہ ہندوستان کے لوگ اقوام متحدہ میں اصلاحاتی عمل کے پورا ہونے کا طویل عرصے سے انتظار کررہے ہیں۔ آخر کب تک ہندوستان کو اقوام متحدہ کی فیصلے کےعمل سے دور رکھا جائے گا۔‘‘
Published: undefined
انہوں نے کہاکہ آج پوری عالمی برادری کے سامنے ایک بہت بڑا سوال ہے کہ جس ادارے کی تشکیل آج سے 75 برس پہلے اس وقت کی صورت حال کے پیش نظر ہوئی تھی، اس کی ہیئت کی آج بھی معنویت ہے۔
Published: undefined
عالمی امن میں ہندوستان کے کردار کا ذکر کرتے ہوئے انہوں نے کہا کہ ’’جس ملک نے برسوں تک عالمی معیشت کی رہنمائی کرنے اور برسوں کی غلامی، دونوں کو جھیلا ہے، جس ملک میں ہورہی تبدیلیوں کا اثر دنیا کے بہت بڑے حصے میں پڑتا ہے، اس ملک کو آخر کب تک انتظار کرنا پڑے گا؟ ہندوستان اقوام متحدہ میں اپنے تعاون کو دیکھتے ہوئے اپنا کردار دیکھ رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined