امریکہ سمیت پوری دنیامیں کورونا کا قہر جاری ہے اور اب پوری دنیا میں کورونا متاثرین کی تعداد بارہ لاکھ سےتجاوز کر گئی ہے اور مرنے والوں کی تعداد 64 ہزار سے اوپر پہنچ گئی ہے۔ اس وبا نے خوفناک شکل اختیارکر لی ہے اور کل ہفتہ کے روز امریکہ میں اس وباسے متاثر ہونے والوں کی تعداد 31 ہزار سے زیادہ ہو گئی ہے جبکہ مرنے والوں کی تعداد 8 ہزار سے زیادہ ہو گئی ہے۔ امریکہ میں کورونا متاثرین کی مجموعی تعداد تین لاکھ سے تجاوز کرگئی ہے۔
Published: undefined
اٹلی میں کورونا سے مرنے والوں کی تعداد 15 ہزار کے اوپر پہنچ گئی ہے اوروہاں متاثرین کی تعداد ایک لاکھ 24 ہزار کے اوپرہے۔ ادھر یوروپ میں اٹلی کے بعد جس ملک میں سب سے زیادہ اموات ہوئی ہیں وہ ہے اسپین۔ اسپین میں کورونا وائرس سے مرنے والوں کی تعداد 12 ہزارکے قریب پہنچ گئی ہے جبکہ متاثرین کی تعداد اٹلی سے زیادہ ہو گئی ہے اور وہ ایک لاکھ 26 ہزار ہے۔فرانس میں متاثرین کی تعداد 90 ہزار کے قریب پہنچ گئی ہے اور وہاں اس سے ہونے والی ہلاکتوں کی تعداد 7 ہزار سے تجاوز کر گئی ہیں۔برطانیہ میں کورونا سے ہونے والی ہلاکتوں کی تعداد 4 ہزار سے اوپر پہنچ گئی ہے جبکہ وہاں متاثرین کی تعداد 41 ہزار سے زیادہ ہے۔
Published: undefined
واضح رہے اس بیچ ایران میں مرنے والوں کی تعداد چین سے زیادہ ہوگئی ہے۔ ایران میں اب تک اس مرض سے مرنے والوں کی تعداد 3400سے زیادہ ہوگئی ہے اور متاثرین کی تعداد55 ہزار سے تجاوز کر گئی ہے۔جرمنی میں متاثرین کی تعداد میں مستقل اضافہ نظر آرہاہے لیکن وہاں اموات کی شرح میں کمی ہے۔ جرمنی میں یہ تعداد 96 ہزار سے زیادہ ہے جبکہ مرنے والوں کی تعداد 1444 ہے۔ہندوستان میں متاثرین کی تعداد میں اضافہ کا رجحان جاری ہے اورحکومت اس کوروکنے کےلئے تمام ضروری اقدامات اٹھا رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر بشکریہ جمال عباس فہمی