کورونا کے گزشتہ 24گھنٹوں میں 18,257 نئے کیسز، 42 اموات

ہندوستان میں گزشتہ 24 گھنٹوں کے دوران ملک میں کووڈ-19 کے 18,257 نئے معاملے سامنے آئے ہیں اور اس کی وجہ سے 42 لوگوں کی موت ہوئی ہے۔

ہندوستان میں گزشتہ 24 گھنٹوں کے دوران ملک میں کووڈ-19 کے 18,257 نئے معاملے سامنے آئے ہیں اور اس کی وجہ سے 42 لوگوں کی موت ہوئی ہے۔ ملک میں اس وقت کورونا کے ایکٹو کیسز 1,28,690 ہیں۔ وزارت صحت کی تازہ ترین اپ ڈیٹ کے مطابق، کورونا کی یومیہ مثبت شرح 4.22 فیصد ہے۔ جبکہ گزشتہ 24 گھنٹوں میں کورونا کے 14,553 مریض صحت یاب ہوئے ہیں۔

کورونا کے تازہ کیسز گزشتہ روز کے مقابلے قدرے کم ہیں۔ اس سے پہلے ہفتہ کو ملک میں کووڈ-19 کے 18,840 کیسز درج کیے گئے تھے۔ مرکزی وزارت صحت کے مطابق ملک میں گزشتہ 24 گھنٹوں میں کورونا سے کل 42 اموات درج کی گئی ہیں۔ جس کی وجہ سے سرکاری طور پر کورونا سے مرنے والوں کی تعداد 5,25,428 تک پہنچ گئی ہے۔ وزارت صحت کے تازہ ترین اعداد و شمار کے مطابق گزشتہ 24 گھنٹوں میں مجموعی طور پر 14,553 افراد کورونا سے صحت یاب ہوئے ہیں۔ جس کی وجہ سے صحت یابی کی شرح 98.50 فیصد ہے۔

ہندوستان میں اس وقت ایکٹو کیس کی تعداد 1.28 لاکھ ہے۔ جو کہ کورونا کے کل کیسز کا 0.30 فیصد ہے۔ وزارت صحت کی تازہ ترین رپورٹ کے مطابق یومیہ مثبت ہونے کی شرح 4.22 فیصد ہے۔ گزشتہ ایک دن کے دوران کورونا وائرس کے 4,32,777 نمونوں کی جانچ کی گئی۔

وزارت صحت کے مطابق ہندوستان میں ٹیکا کاری مہم 198 کروڑ تک پہنچ گئی ہے۔ جبکہ 12 سے 14 سال کی عمر کے نوجوانوں کو 3.74 کروڑ سے زیادہ پہلی خوراکیں اور 2.51 کروڑ سے زیادہ دوسری خوراکیں دی گئی ہیں۔ اب تک 6.06 کروڑ سے زیادہ پہلی خوراکیں اور 4.95 کروڑ سے زیادہ دوسری خوراکیں 15 سے 18 سال کی عمر کے لوگوں کو دی جا چکی ہیں۔ وزارت صحت کے مطابق، اب تک 4.27 کروڑ سے زیادہ بوسٹر خوراکیں 60 سال سے زیادہ عمر کے لوگوں، ہیلتھ ورکرز اور فرنٹ لائن ورکرز کو دی جا چکی ہیں۔