فلم اور تفریح

’بگ باس‘ کی ٹرافی لے کر ڈونگری پہنچے منور فاروقی، استقبال کرنے پہنچی ہزاروں لوگوں کی بھیڑ

بگ باس سیزن 17 میں گھر کے اندر 105 دن گزارنے کے بعد منور فاروقی نے چار بڑے دعویداروں انکیتا لوکھنڈے، منارا چوپڑا، ابھشیک کمار اور ارون مہاشیٹی کو ہرا کر ٹرافی جیتی جس کا جشن اب ڈونگری منا رہا ہے۔

<div class="paragraphs"><p>تصویر&nbsp;<a href="https://twitter.com/pinkvilla">@pinkvilla</a></p></div>

تصویر @pinkvilla

 

ریلٹی ٹیلی ویژن شو ’بگ باس 17‘ جیتنے والے اسٹینڈ اَپ کامیڈین منور فاروقی اپنے وعدے کے مطابق ٹرافی لے کر آج اپنی رہائش ممبئی کے ڈونگری علاقے میں پہنچے۔ ڈونگری میں منور فاروقی کے پہنچتے ہی ان کے چاہنے والے ہزاروں لوگوں کی بھیڑ سڑکوں پر جمع ہو گئی۔ سبھی نے منور فاروقی کی گاڑی کو چاروں طرف سے گھیر لیا۔ اس کی جو تصویریں سامنے آ رہی ہیں وہ حیران کرنے والی ہیں۔ ایسا لگ رہا ہے جیسے منور فاروقی کو انسانوں کے سیلاب نے گھیر رکھا ہے۔

Published: undefined

منور فاروقی کے ڈونگری پہنچنے کے بعد کی ویڈیو بھی سوشل میڈیا پلیٹ فارمز پر تیزی کے ساتھ وائرل ہو رہی ہے۔ اس میں وہ ایک کار کی چھت سے اپنے چاہنے والوں کا استقبال قبول کرتے ہوئے نظر آ رہے ہیں۔ وہ کار سے باہر بھی آئے اور ہاتھ ہلا کر اپنے چاہنے والوں کا شکریہ ادا کیا۔ اس دوران منور سفید جیکٹ اور جینس پہنے ہوئے تھے۔

Published: undefined

قابل ذکر ہے کہ بگ باس فاتح منور فاروقی ٹرافی کے ساتھ 50 لاکھ روپے سے زیادہ کی رقم اور ایک ہنڈئی کریٹا کار بھی اپنے ساتھ لے کر ڈونگری پہنچے ہیں۔ بگ باس کے گھر میں انھوں نے 105 دن گزارے اور دیگر چار بڑے دعویداروں انکیتا لوکھنڈے، منارا چوپڑا، ابھشیک کمار و ارون مہاشیٹی کے ساتھ ٹاپ-5 میں بنے رہے۔ بگ باس کے گھر میں منور کو بادشاہ، رفتار، ایمیوے بنٹائی، گنیش آچاریہ، کرن کندرا، ایم سی اسٹین اور پرنس نرولا جیسی کئی مشہور ہستیوں سے بہت اچھی حمایت حاصل ہوئی۔

Published: undefined

اس متنازعہ ریلٹی شو کو جیتنے کے بعد منور فاروقی نے اتوار کی شب سوشل میڈیا پلیٹ فارم پر ایک پوسٹ بھی کیا گیا جس میں میزبان سلمان کے ساتھ ٹرافی پکڑے ہوئے انھوں نے اپنی تصویر شیئر کی تھی۔ منور نے تازہ سیزن میں رہنمائی کے لیے بالی ووڈ سپراسٹار کے تئیں اپنا اظہارِ تشکر پیش کیا تھا۔ ساتھ ہی انھوں نے اپنے شیدائیوں کو حمایت کے لیے شکریہ بھی ادا کیا تھا۔ کیپشن میں انھوں نے لکھا تھا ’’بہت بہت شکریہ، آپ کی محبت اور سپورٹ کے لیے، آخر کار ٹرافی ڈونگری آ ہی گئی۔ رہنمائی کے لیے بڑے بھائی سلمان خان سر کا خصوصی شکریہ۔‘‘

Published: undefined

واضح رہے کہ بگ باس سیزن 17 کے دوران مشکل سفر طے کرنے والے منور نے اداکار ابھشیک کمار کو شکست دے کر فائنل مقابلہ جیتا۔ اس کے ساتھ ہی کامیڈین اب ایک ہی فارمیٹ میں دو ریلٹی شو جیتنے والی شخصیت بن گئے ہیں۔ منور فاروقی نے کنگنا رانوت کے ذریعہ میزبانی کیے گئے اسٹریمنگ ریلٹی شو ’لاک اَپ‘ میں بھی فتحیابی حاصل کی تھی۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined