نئی دہلی: یو جی سی (یونیورسٹی گرانٹس کمیشن) نے ایک اہم فیصلہ لیتے ہوئے اعلان کیا ہے کہ طلبا ریگولر طریقہ سے ایک ساتھ دو فل ٹائم ڈگریاں حاصل کر سکیں گے۔ یو جی سی کے چیئرمین ایم جگدیش کمار نے منگل کے روز اس کا اعلان کیا۔ یو جی سی کے چیئرمین ایم جگدیش کمار نے کہا کہ طلبا ایک یا ایک سے زیادہ یونیورسٹیوں سے بیکوقت دو ڈگریاں حاصل کر سکتے ہیں۔ یو جی سی کی جانب سے اس معاملہ پر جلد ہی تفصیلی رہنما ہدایات جاری کی جائیں گی۔
Published: undefined
جگدیش کمار نے ایک پریس کانفرنس سے کہا، ’’جیسا کہ قومی تعلیمی پالیسی (این ای پی) میں اعلان کیا گیا ہے اور طلبا کو کئی طرح کی مہارتوں کو حاصل کرنے کی اجازت دینے کے لئے یو جی سی نئی رہنما ہدایات کے ساتسھ آ رہی ہے تاکہ ایک امیدوار کو بیکوقت دو ڈگریاں حاصل کرنے کی اجازت دی جا سکے۔‘‘
Published: undefined
اس نئے عمل میں طلبا کے حاصل کردہ 40 فیصد کریڈٹ ان کی بنیادی یونیورسٹی کے علاوہ کسی دیگر یونیورسٹی کا ہو سکتا ہے۔ یو جی سی کے مطابق نئی رہنما ہدایات ایک ساتھ دو ڈگری کریڈٹ اسکور سسٹم اور ملٹی ڈسیپلنری ایجوکیشن سسٹم کو نافذ کیا جا رہا ہے۔ اس کے علاوہ انڈر گریجوایٹ کورسز کے نئے نصاب پر بھی کام کیا جا رہا ہے۔ اس کے تحت یونیورسٹی انڈر گریجوایٹ کورسز کو نئے طریقہ سے ڈیزائن کر رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا