ایرانی گلوکار شیروِن حاجی پور اس وقت دنگ رہ گئے جب اتوار پانچ فروری کو امریکی صدر جو بائیڈن کی اہلیہ جِل بائیڈن نے اعلان کیا کہ سماجی تبدیلی کے موضوع پر حاجی پور کے نئے نغمے 'برائے‘ پر انہوں گریمی ایوارڈ جیت لیا ہے۔
Published: undefined
آن لائن جاری ہونے والی ایک ویڈیو میں حاجی پور کو ایک قدرے اندھیرے کمرے میں یہ اعلان سننے کے بعد اپنے آنسو پونچھتے ہوئے دیکھا جا سکتا ہے۔
Published: undefined
25 سالہ شیرون حاجی زادہ کا نغمہ ان کے انسٹاگرام پر جاری کیا گیا تھا جو فوراﹰ ہی وائرل ہو گیا جس کے بعد انہیں گرفتار کر کے کئی دنوں تک حراست میں رکھا گیا اور اکتوبر میں انہیں ضمانت پر رہائی ملی۔ ان پر حکومت کے خلاف پراپیگنڈا کرنے، اور تشدد کو ہوا دینے کی کوشش کے الزامات عائد کیے گئے ہیں۔ ان الزامات کے تحت انہیں چھ برس تک جیل کی سزا ہو سکتی ہے۔
Published: undefined
امریکی پاپ سپر اسٹار بیونسے نے گریمی ایوارڈز کی تاریخ میں ایک نیا سنگ میل عبور کر لیا۔ وہ اپنے پورے کیریئر میں 32 گریمی ایوارڈز جیت کر سب سے زیادہ مرتبہ یہ ایوارڈ جیتنے والی فنکارہ بن گئی ہیں۔
Published: undefined
اتوار کو لاس اینجلس میں منعقد ہونے والی گریمی ایوارڈز کی 65 ویں تقریب میں بیونسے کو ان کے نغمے 'بریک مائی سول‘ پر بہترین ڈانس الیکٹرانک میوزک ریکارڈنگ، 'پلاسٹک آف دا صوفہ‘ پر بیسٹ ٹریڈیشنل آر اینڈ بی پرفارمنس اور ان کے نغمے 'کف اِٹ‘ کو بہترین آر اینڈ بی سانگ کے ایوارڈز دیے گئے۔
Published: undefined
اس سے قبل سب سے زیادہ گریمی ایوارڈز جیتنے کا ریکارڈ ہنگری-برطانوی موسیقار جارج شالٹی کے پاس تھا جنہوں نے 1997ء کے بعد سے اپنے فنی سفر میں 31 گریمی ایوارڈز حاصل کر رکھے ہیں۔ بیونسے پہلے ہی سب سے زیادہ گریمی جیتنے والی فنکارہ کا اعزاز رکھتی ہیں۔
Published: undefined
امریکی شہر لاس اینجلس میں اتوار کی شب منعقد ہونے والی گریمی ایوارڈز کی تقریب میں ایک اور بڑی کامیابی اداکارہ اور پروڈیوسر وایولا ڈیوس کے حصے میں آئی جو 'ای جی او ٹی‘ حاصل کرنے والی تازہ ترین اسٹار بن گئی ہیں۔ اس کا مطلب ہے کہ وہ ان چند گنے چکے فنکاروں میں شامل ہو گئی ہیں جنہوں نے فنکاروں کو دیے جانے والے تمام چار بڑے ایوارڈز یعنی ایمی، گریمی، آسکر اور ٹونی جیتے ہیں۔
Published: undefined
وایولا ڈیوس نے یہ درجہ بہترین صوتی کتاب 'فائنڈنگ می‘ پر گریمی ایوارڈ جیت کر حاصل کیا۔ ڈیوس ایسی تیسری سیاہ فام خاتون ہیں جنہوں نے 'ای جی اور ٹی‘ کا اعزاز حاصل کیا ہے۔ اب تک مجموعی طور پر 18 ایسے افراد ہیں جنہیں یہ اعزاز ہوا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined