دلچسپ مقابلہ میں یوپی واریئرز نے رائل چیلنجرز بنگلور کو سپر اوور میں چار رنز سے شکست دی

یوپی واریئرز نے پیر کو کھیلے گئے ویمنز پریمیئر لیگ (ڈبلیو پی ایل) کے پہلے سپر اوور میچ میں رائل چیلنجرز بنگلور کو چار رنز سے شکست دی۔پہلے بلے بازی کرتے ہوئے یوپی واریئر نے ایک وکٹ کے نقصان پر 8 رنز بنائے۔ جس کے جواب میں رائل چیلنجرز بنگلور کی ٹیم ایک اوور میں صرف چار رنز بنا سکی اور میچ ہار گئی۔

اس سے قبل رائل چیلنجرز بنگلور اور یوپی واریئرز کے درمیان کھیلا گیا ڈبلیو پی ایل کا نواں میچ آخری گیند پر برابر کےاسکور کی وجہ سے ٹائی ہو گیا تھا۔ آر سی بی کے 180 رنز کے جواب میں بلے بازی کے لیے آتے ہوئے، یوپی واریئرز کی شروعات خراب رہی کیونکہ آر سی بی کے شاندار بالنگ اٹیک کے سامنے ان کے وکٹ وقفے وقفے سے گرتے رہے۔ کرن نوگیرے (24)، دنیش ورندا (14)، تالیہ میک گرا (0)، کپتان دیپتی شرما (25)، گریس ہیرس (8)، اوما چھتری (14) اور شویتا سہراوت (31) رن آؤٹ ہوئیں۔ شنیل ہنری (آٹھ) کو 17ویں اوور میں کم گارتھ نے بولڈ کیا۔ اپنی ٹیم کو فتح کی طرف لے جانے والی صائمہ ٹھاکر 19ویں اوور میں رن آؤٹ ہو گئیں۔ تھاکورنے (14) رن بنائے۔ میچ کی آخری گیند پر وکٹ کیپر ریچا نے 180 کے برابری کے اسکور پر سوفی ایکلیسٹن (33) کو رن آؤٹ کر کے میچ کو ٹائی کراکے ایک بار پھر دلچسپ موڑ پر پہنچادیا۔ میچ کا فیصلہ سپر اوور سے ہوا۔

آر سی بی کی جانب سے اسنیہا رانا نے تین جبکہ رینوکا سنگھ اور کم گارتھ نے دو دو وکٹ حاصل کئے۔ ایلیس پیری نے ایک بلے باز کو آؤٹ کیا۔

اس سے پہلے کل یوپی واریئرس کی کپتان دیپتی شرما نے ٹاس جیت کر پہلے گیند بازی کرنے کا فیصلہ کیا۔ بلے بازی کا انتخاب کرتے ہوئے، رائل چیلنجرز بنگلور کی شروعات اچھی نہیں رہی کیونکہ اس نے کپتان اسمرتی مندھانا (چھ) کا وکٹ گنوا دیا۔ اس کے بعد ایلس پیری بیٹنگ کے لیے آئیں اور ڈینیئل وائٹ کے ساتھ مل کر اننگز کو سنبھالا۔ دونوں بلے بازوں کے درمیان دوسرے وکٹ کے لیے 94 رنز کی شراکت ہوئی۔ ٹالیا میک گرا نے ڈینیئل وائٹ کو آؤٹ کر کے اس شراکت داری کو توڑا۔ وائٹ نے 41 گیندوں پر چار چوکوں اور تین چھکوں کی مدد سے 57 رن کی اننگز کھیلی۔ اس کے بعد رچا گھوش (آٹھ) رن بناکر آؤٹ ہوئیں۔ کارنیکا آہوجہ (پانچ)، جارجیا ویرہم (سات) اور کم گارتھ (دو) تینوں بلے باز رن آؤٹ ہوئیں۔

ایلیس پیری نے 56 گیندوں پر نو چوکوں اور تین چھکوں کی مدد سے ناٹ آؤٹ 90 رن بنائے۔ آر سی بی نے مقررہ 20 اوورز میں چھ وکٹ پر 180 رن بنائے۔یوپی واریئرز کی جانب سے شنیل ہنری، دیپتی شرما اور تالیا میک گرا نے ایک ایک بلے باز کو آؤٹ کیا۔