بڑے بھائی کے کورونا وائرس سے متاثر ہونے کے بعد گنگولی قرنطینہ میں!

کولکاتا: بی سی سی آئی کے صدر و سابق ٹیم انڈیا سوربھ گنگولی کے بڑے بھائی سنیہا سیش گنگولی جو بنگال کرکٹ ایسوسی ایشن کے جوائنٹ سیکریٹری ہیں, کورونا وائرس سے متاثر ہوگئے ہیں۔اس بعدسابق کپتان سوربھ گنگولی گھر میں ہی کورنٹائن ہوگئے ہیں۔ اس کے علاوہ بنگال کرکٹ ایسوسی ایشن کے صدر اویشویک ڈالمیا بھی قرنطینہ میں چلے گئے ہیں۔

کورونا وائرس کی وجہ سے سوربھ گنگولی بی سی آئی کے تمام کام اپنے گھر کے قریب واقع دفترسے کررہے ہیں۔اس کے علاوہ ان کا مشہور ٹی وی شو ”دادا گیری“ بھی اس وقت نشر نہیں ہورہا ہے۔ کریو ممبر نے کہا کہ چوں کہ اس وقت راجر اسٹوڈیو کورنٹائن زون کے طور پر استعمال ہورہا ہے۔اس لئے شوٹنگ نہیں ہوپارہی ہے۔

بنگال کرکٹ ایسوسی ایشن نے کہا کہ سنیہاشیش کو شہر کے ایک اسپتال میں داخل کرایا گیا ہے۔اس وقت ان کی طبیعت میں بہتری آئی ہے۔ گنگولی نے کہا کہ قاعدے کے مطابق میں کچھ دنوں گھر میں ہی قرنطینہ میں رہوں گا۔

اویشیک ڈالمیا نے کہا کہ اگلے نوٹس تک بنگال کرکٹ ایسوسی ایشن کے تمام دفاتر بند رہیں گے۔انہوں نے کہا کہ 4 جولائی کو بنگال کرکٹ کے ایسوسی ایشن میں سول انجینئرنگ محکمہ میں کام کررہے چندن داس کے کورونا سے متاثر ہونے کے بعد سے ہی دفتر نہیں کھولا گیا ہے اور اگلے نوٹس دفتر بند رہے گا۔

انہوں نے کہا کہ ہم لوگ ورچوئیل میٹنگ کررہے تھے۔ مگر میں اور سنہیش گنگولی گزشتہ ہفتہ ایڈن گارڈن گئے تھے اور کلکتہ پولس کے ساتھ دورہ کیا تھا تاکہ ایڈن گارڈن کے کچھ حصوں کو قرنطینہ کیلئے دیا جاسکے۔انہوں نے کہا کہ کلکتہ پولس کے ہیڈ کوارٹر میں میٹنگ کے دورا ن ایسوسی ایشن کی طرف سے میں صرف پیش ہوا تھا۔بعد میں گنگولی میٹنگ میں شرکت کی تھی۔

اس سے قبل 20 جون کو سنیہش گنگولی کی اہلیہ، ساس، سسر اور گھر میں کام کرنے والی کورونا وائرس سے متاثر ہوگئے تھے۔اس کے بعد سنہیش گنگولی نے نے اپنی رہائش کو چاندی بھون جہاں سوربھ گنگولی کی رہائش گاہ ہے منتقل ہوگئے تھے۔