آئی پی ایل 2021: شاندار تقریب کے دوران راجستھان رائلز کی نئی جرسی لانچ

جے پور: آئی پی ایل 2021 میں اپنے گھریلو میدان پر کھیلنے اور شائقین کے جوش و جذبے اور حمایت سے محروم رہنے والے راجستھان رائلز کے کھلاڑیوں میں اس وقت جوش بھرگیا جب ریڈ بُل انڈیا کے تعاون سے ہفتے کے روز یہاں سوائی مان سنگھ اسٹیڈیم میں ایک شاندار پروگرام کے دوران ٹیم کی اس نئے سیزن کے لئے نئی جرسی لانچ کی گئی۔

سوائی مان سنگھ اسٹیڈیم میں ہفتے کی رات، راجستھان رائلز کے کھلاڑیوں کے ساتھ ساتھ ملک اور دنیا کے شائقین کے لئے یادگار رہی۔ شاندار تھری ڈی پروجیکشن اور ایک گرینڈ لائٹ شو نے سب کے دلوں کومسحور کردیا۔ اس دوران ایک آڈیو ویژول نمائش کو اسٹیڈیم سے پوری دنیا کے شائقین اور ممبئی کے بایو ببل میں رہے راجستھان رائلز کی ٹیم کے کھلاڑیوں کے درمیان براہ راست نشر کیا گیا۔

سوائی مان سنگھ اسٹیڈیم میں تقریب کا آغاز پچ سے لے کر تمام اسٹینڈس تک حیرت انگیز اور پرکشش روشنی پھیلنے سے ہوئی۔ اس کے بعد براہ راست شو کے لئے خصوصی طور پر سیٹ اپ اسکرین پر روشنی بکھیری گئی ، جس میں ریڈ بل گاڑیوں اور پروگراموں کے ہائی اسپیڈ ایکشن شاٹس کے ساتھ اسٹیڈیم ، شہر اور راجستھان کے پس منظر کی ایک ویڈیو دکھائی گئی۔