عالمی کپ LIVE: بنگلادیش کو 28 رنوں سے ہرا کر ہندوستان سیمی فائنل میں پہنچا

ہندوستان نے بنگلادیش کودوسرا جھٹکا دیا ہے، ہاردک پانڈیا نے بنگلادیش کے بلے باز سرکار کو 33 رن پر آؤٹ کیا۔

ہندوستانی گیند باز محمد سامی نے بنگلادیش کو پہلا جھٹکا دیا ہے، انہوں نے تممیم اقبال کو 22 رن کے نجی اسکور پر آؤٹ کردیا۔

ہندوستان نے بنگلا دیش کے خلاف پہلے بلے بازی کرتے ہوئے 50 اوور میں 312 رن بنائے اور اس کے 9 وکٹ گرے۔ اب بنگلادیش کو جیت کے لیے 315 رن بنانے ہوں گے۔

برمنگھم کے ایجبسٹن میں ٹیم انڈیا اور بنگلہ دیش کے درمیان مقابلہ کھیلا جا رہا ہے، ہندوستان نے 47 اوور میں پانچ وکٹ پر 297 رن بنا لئے ہیں۔

برمنگھم کے ایجبسٹن میں ٹیم انڈیا اور بنگلہ دیش کے درمیان مقابلہ کھیلا جا رہا ہے، ہندوستان کو ایک اور جھٹکا لگا ہے۔ پنت 48 رنز بنا کر پویلین لوٹ گئے ہیں، ہندوستان نے 46 اوور میں پانچ وکٹ پر 288 رن بنا لئے ہیں۔

تیز طرار سنچری بنانے کے بعد روہت شرما خود پر کنٹرول نہیں رکھ سکے اور تیزی سے رن بنانے کی کوشش میں 104 رن پر آؤٹ ہو گئے۔ انھوں نے 92 گیندوں کا سامنا کیا۔ دوسری طرف کے ایل راہل بھی اچھی بلے بازی کر رہے ہیں۔ انھوں نے 86 گیندوں پر 72 رن بنائے ہیں۔ ان کا ساتھ دینے کے لیے کپتان وراٹ کوہلی آئے ہیں۔ قابل ذکر ہے کہ روہت شرما کا وکٹ سومیہ سرکار کو ملا ہے اور ان کا کیچ لیا ہے لیٹن داس نے۔

روہت شرما اور کے ایل راہل کی دھماکے دار بلے بازی جاری ہے اور خصوصی طور پر روہت انتہائی تیز طرار بلے بازی کر رہے ہیں۔ وہ سنچری کے قریب پہنچ چکے ہیں۔ انھوں نے 77 گیندوں میں 92 رن بنائے ہیں جب کہ دوسری طرف راہل 74 گیند میں 66 رن بنا کر کھیل رہے ہیں۔ 25 اوور میں ہندوستان کا اسکور بغیر وکٹ گنوائے 162 رن ہے۔

15 اوور میں ہندوستان کا اسکور 87 رن پہنچ چکا ہے اور اس کے دونوں سلامی بلے باز میدان میں ہیں۔ روہت شرما اور کے ایل راہل دونوں ہی اب تیز بلے بازی کر رہے ہیں۔ بنگلہ دیش کا کوئی بھی گیندباز ان پر اثرانداز ہوتا ہوا نظر نہیں آ رہا ہے۔ روہت شرما اس وقت محض 46 گیندوں پر 54 رن بنا کر کھیل رہے ہیں اور راہل 45 گیند میں 32 رن بنا کر کھیل رہے ہیں۔ اپنی اننگ کے دوران روہت شرما نے 3 چھکا اور 4 چوکا لگایا ہے۔

ہندوستان نے بنگلہ دیش کے خلاف پہلے 10 اوور میں 69 رن بنا لیے ہیں اور دونوں سلامی بلے باز اس وقت محفوظ کریز پر جمے ہوئے ہیں۔ روہت شرما ایک طرف 29 گیندوں پر 38 رن بنا کر کھیل رہے ہیں اور دوسری طرف کے ایل راہل 32 گیندوں پر 28 رن بنا کر کھیل رہے ہیں۔

ہندوستانی سلامی بلے باز روہت شرما اور کے ایل راہل نے ٹیم کو اچھی شروعات دیتے ہوئے 8 اوور میں 47 رن بنا لیے ہیں۔ روہت شرما کا حالانکہ ایک کیچ چھوٹ گیا، لیکن وہ اچھی بلے بازی کرتے ہوئے نظر آ رہے ہیں۔ کے ایل راہل نے بھی شروع میں دھیما کھیلا لیکن اب وہ تیزی سے رن بنا رہے ہیں۔

ہندوستان کی طرف سے بلے بازی کرنے کے ایل راہل اور روہت شرما میدان میں اترے ہیں۔ پہلے ہی اوور میں روہت شرما نے اپنا تیور ظاہر کر دیا ہے۔ انھوں نے بنگلہ دیش کے کپتان مشرف مرتضیٰ کی گیند پر چھکّا لگا کر اپنا کھاتہ کھولا۔ پہلے اوور میں 10 رن بنے۔

ہندوستانی کرکٹ ٹیم کے کپتان وراٹ کوہلی نے ٹاس جیت کر پہلے بلے بازی کا فیصلہ کیا ہے۔ مشرف مرتضیٰ کی قیادت والی بنگلہ دیشی ٹیم کی کوشش ہوگی کہ وہ ہندوستانی ٹیم کو جلد از جلد آؤٹ کرے تاکہ اس مقابلہ کو جیتا جا سکے۔ بنگلہ دیش کے لیے آج کا مقابلہ انتہائی اہم ہے کیونکہ اگر وہ آج ہارتی ہے تو ٹورنامنٹ سے باہر ہو جائے گی۔

آل راؤنڈر کیدار جادھو نے اب تک اس عالمی کپ میں کوئی بہت اچھی کارکردگی کا مظاہرہ نہیں کیا ہے اس لیے ممکن ہے کہ آج بنگلہ دیش کے ساتھ میچ میں انھیں باہر بٹھایا جائے۔ امید کی جا رہی ہے کہ بنگلہ دیش کے خلاف وراٹ کوہلی اور کوچ روی شاستری رویندر جڈیجہ کو موقع دے سکتے ہیں۔ اگر پچ بلے بازی کے لیے مناسب رہی تو ممکن یہ بھی ہے کہ دنیش کارتک کو ٹیم میں جگہ ملے۔ مینک اگروال بنگلہ دیش کے خلاف کھیل پائیں، ایسا کم ہی لگ رہا ہے۔