پاکستانی کرکٹر حسن علی نے کی ہندوستانی لڑکی سے شادی کی تصدیق، جانیں نکاح کی تاریخ؟

پاکستان کے تیز گیند باز حسن علی اس بات کی تصدیق کر دی ہے کہ ان کی شادی میوات کی بیٹی سامعہ سے ہونے جا رہی ہے۔ جنریٹر کے نام سے مشہور پاکستانی کرکٹر نے بتایا کہ وہ جلد ہی ہندوستان سے تعلق رکھنے والی سامعہ خان سے ہوگی۔ انہوں نے وضاحت کرتے ہوئے کہا کہ لڑکی کا نام ’شامیہ‘ نہیں بلکہ ’سامعہ‘ ہے۔

پاکستانی میڈیا رپورٹوں کے مطابق گوجرانوالہ میں پریس کانفرنس کرتے ہوئے حسن علی نے اعلان کیا کہ ان کی شادی کے حوالہ سے میڈیا میں آنے والی خبر سچ ہے اور ہندوستان سے سے تعلق رکھنے والی لڑکی کے ساتھ 20 اگست کو دبئی میں ان کی شادی ہوگی۔ انہوں نے کہا کہ وہ شادی والے دن پاکستانی اسٹائل کی سیاہ اور سرخ رنگ کی شیروانی زیب تن کریں گے اور سامعہ ہندوستانی اسٹائل کا عروسی لباس پہنیں گی۔

انٹرنیٹ پر گردش کرنے والے تصویروں پر بیان دیتے ہوئے حسن علی نے کہا کہ پتہ نہیں اتنی لڑکیاں کہا ں سے آ گئی ہیں۔ انہوں نے کہا کہ جتنی بھی تصویریں سوشل میڈیا پر وائرل ہو رہی ہیں وہ سب فرضی ہیں۔ انہوں نے کہا کہ دونوں خاندانوں کی جانب سے پریشر ہے اس لئے ابھی تصویر سامنے نہیں لا سکتا۔ حسن علی نے یہ بھی بتایا کہ سامعہ کو کرکٹ میں زیادہ دلچسپی نہیں ہے اور شادی کے بعد وہ گوجرانوالہ میں رہیں گی۔

واضح رہے کہ 30 جولائی کو اس حوالہ سے خبر گردش ہوئی تھی جس میں بتایا گیا تھا کہ سامعہ ایئر امارات میں فلائٹ انجینئر ہیں اور ان کا تعلق ہندوستان کی ریاست ہریانہ کے میوات علاقہ (نوح) سے ہے۔ سامعہ نے فریدآباد کی مانو رچنا یونیورسیٹی سے پڑھائی کی ہے اور بی ٹیک (ایروناٹیکل) کی ڈگری حاصل کر رکھی ہے۔ پہلے وہ جیٹ ائیرویز میں نوکری کرتی تھیں، بعد میں انہیں ائیر امارات میں نوکری مل گئی۔ وہ تین سال سے دبئی میں مقیم ہیں۔