شیفالی-جاناسن کی اننگز نے دلائی دہلی کو جیت

شیفالی ورما (44) اور جیس جاناسن (ناٹ آؤٹ 61) کی شاندار اننگز کی بدولت دہلی کیپٹلس نے منگل کو ویمنس پریمیئر لیگ (ڈبلیو پی ایل) کے ایک میچ میں گجرات جائنٹس کو چھ وکٹ سے آسانی سے شکست دی۔گجرات جائنٹس نے پہلے بلے بازی کرتے ہوئے نو وکٹ کے نقصان پر 127 رن بنائے جس کے جواب میں دہلی کیپٹلس نے فتح کا ہدف چار وکٹوں کے نقصان پر آسانی سے حاصل کر لیا۔

مین لیننگ (3) کی شکل میں ابتدائی وکٹ گنوانے کے بعد شیفالی اور جاناسن نے تیز رن بنائے۔ شیفالی نے 27 گیندوں میں پانچ چوکوں اور تین چھکوں کی شاندار اننگز کھیلی، جب کہ جاناسن نے 32 گیندوں کی اپنی ناٹ آوٹ اننگز میں نو چوکے اور دو چھکے لگائے۔ دونوں نے دوسری وکٹ کے لیے 74 رن جوڑے اور ہدف کو چھوٹا کر دیا۔

اس سے قبل، بھارتی پھولمالی (40 ناٹ آؤٹ) اور تنوجا کنور (16) کی دلیرانہ اننگز نے گجرات جائنٹس کو قابل احترام ٹوٹل بنانے میں مدد کی۔ ایک موقع پر گجرات کے ٹاپ پانچ بلے باز آٹھ اووروں میں 41 رن بنانے کے بعد پویلین لوٹ چکے تھے۔ اس بحران میں ڈینڈرا ڈوٹن (26) نے چارج سنبھال لیا اور پانچ شاندار چوکے لگا کر اسکور بورڈ کو تیز کرنے کی کوشش کی۔ ان کے آؤٹ ہونے کے بعد تنوجا اور پھولمالی کی نصف سنچری شراکت نے نہ صرف ٹیم کو مشکلات سے نجات دلائی بلکہ اسکور کو بھی فائٹنگ پوزیشن پر پہنچا دیا۔ تنوجا بدقسمتی سے رن آؤٹ ہوگئیں۔

اس سے قبل شیکھا پانڈے اور ماریزان کاپ نے دو دو وکٹیں لے کر گجرات کو بیک فٹ پر ڈال دیا جبکہ اینابیل سادرلینڈ نے دو وکٹیں لے کر گجرات کی کمر توڑنے کی کامیاب کوشش کی۔ تیتاس سادھو نے کپتان ایشلے گارڈنر کی اہم وکٹ حاصل کی۔