کرکٹ

کرکٹر یوزویندر چہل نے سیاست میں قدم رکھا، بی جے پی میں شمولیت اختیار کی

ہندوستانی کرکٹر یوزویندر چہل نے بھارتیہ جنتا پارٹی میں شمولیت اختیار کر لی ہے اور یہ کام انہوں نے ایک فعال کرکٹر ہوتے ہوئے کیا ہے۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

 

ہندوستانی کرکٹر یوزویندر سنگھ چہل نے بھارتیہ جنتا پارٹی میں شمولیت اختیار کر لی۔ ایک فعال کرکٹر ہونے کے باوجود انہوں نے سیاست میں قدم رکھا۔ چہل نے چند روز قبل ہی ٹیسٹ فارمیٹ سے ریٹائرمنٹ کا اعلان کیا تھا لیکن وہ اب بھی ون ڈے اور ٹی ٹوئنٹی کے لیے دستیاب  ہیں۔ بی جے پی نے انہیں نیشنل او بی سی مورچہ کی نئی ایگزیکٹو میں خصوصی مدعو  بنانے  کا اعلان کیا ہے۔

بھارتیہ جنتا پارٹی یعنی حکمراں بی جے پی نے نیشنل او بی سی مورچہ کی نئی ایگزیکٹو میں مختلف ریاستوں کے کئی لوگوں کو مختلف ذمہ داریاں سونپی ہیں۔ اس فہرست میں کرکٹر یوزویندر چہل کا نام بھی شامل ہے، جنہیں ریاست دہلی سے خصوصی مدعو کی فہرست میں رکھا گیا ہے۔ تاہم اس بارے میں کوئی واضح نہیں ہے کہ یوزویندر سنگھ چہل کب تک اس عہدے پر رہیں گے یا وہ کب تک یہ ذمہ داری سنبھالیں گے۔

یوزویندر سنگھ چہل کو خصوصی مدعو کے طور پر بنایا گیا ہے۔ اب یہ خصوصی مدعو کیا ہے؟ ایسے لوگوں کو ایگزیکٹیو کمیٹی کے اجلاسوں اور تنظیمی سرگرمیوں میں شرکت کے لیے مدعو کیا جاتا ہے چاہے وہ پارٹی کے باقاعدہ ایگزیکٹو یا عہدے دار کے عہدوں پر فائز ہوں یا  نہ ہوں۔ یوزویندر سنگھ چہل اس کردار میں کیا ذمہ داریاں سنبھالیں گے اس بارے میں کوئی معلومات سامنے نہیں آئی ہیں۔

یوزویندر چہل ابھی تک بین الاقوامی کرکٹ سے ریٹائر نہیں ہوئے ہیں۔ انہوں نے چند روز قبل ٹیسٹ کرکٹ سے ریٹائرمنٹ لے لی ہے لیکن پھر بھی ون ڈے اور ٹی ٹوئنٹی ٹیم میں واپسی کے لیے خود کو دستیاب رکھا ہے۔ اپنے بین الاقوامی کیریئر میں انہوں نے 152 میچ کھیلے اور 217 وکٹیں حاصل کیں۔ اپنے 188 میچوں کے آئی پی ایل کیریئر میں انہوں نے 233 وکٹیں حاصل کیں۔ چہل نے اگست 2023 کے بعد ٹیم انڈیا کے لیے کبھی بین الاقوامی میچ نہیں کھیلا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔