نئی دہلی: ہندوستانی ٹیم کے کپتان وراٹ کوہلی اور بلے باز روہت شرما کے درمیان گزشتہ کچھ دنوں سے اختلافات کی خبروں کے درمیان ہندستانی کرکٹ کنٹرول بورڈ کی جانب سے دونوں ٹاپ کھلاڑیوں کے درمیان معاملے کو حل کرنے کے لئے مداخلت کا امکان ہے۔
Published: undefined
مختلف میڈیا رپورٹس کے مطابق بی سی سی آئی دونوں کھلاڑیوں کے درمیان اختلافات کو سلجھانا چاہتا ہے اور اس کے لیے بورڈ کے چیف ایگزیکٹو آفیسر راہل جوہری اگلے ہفتے امریکہ جا سکتے ہیں جہاں وہ دونوں کھلاڑیوں سے بات کریں گے۔ بی سی سی آئی ذرائع کے مطابق بورڈ ان کے درمیان جلد مصالحت کرانا چاہتا ہے۔ رپورٹ کے مطابق ہیڈ کوچ روی شاستری بھی وراٹ اور روہت سے موجودہ حالات کے بارے میں بات کر سکتے ہیں۔ شاستری کو کپتان وراٹ کا قریبی سمجھا جاتا ہے۔ اگرچہ ان کی دونوں کھلاڑیوں سے بات کرنے کی امید ہے۔
Published: undefined
ہندستانی کرکٹ ٹیم ویسٹ انڈیز کے دورے پر ہے جہاں اس کے ٹوئنٹی 20 سیریز کے پہلے دو میچ فلوریڈا میں کھیلے جائیں گے، اس کے بعد سیریز کے باقی میچ ویسٹ انڈیز میں کھیلے جائیں گے۔ ہندستانی ٹیم اس سیریز کے تینوں فارمیٹس میں وراٹ کی کپتانی میں کھیلے گی۔ ہندستانی ٹیم پیر کو ویسٹ انڈیز کے دورے کے لیے ممبئی سے روانہ ہوگی۔ سیریز میں تین ٹوئنٹی 20، تین ون ڈے اور دو ٹیسٹ کھیلے جانے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا