سونے اور چاندی کی قیمتوں میں بڑی گراوٹ، سرمایہ کار حیران

 سونے اور چاندی کی قیمتوں نے گزشتہ کچھ دنوں میں کافی حیران کیا ہے۔ اس کی وجہ یہ ہے کہ دونوں اشیا کی قیمتوں میں عام طور پر آفات یا عالمی کشیدگی کے حالات میں تیزی دیکھنے کو ملتی رہی ہے لیکن فی الحال مشرق وسطیٰ میں جاری جنگ کے دوران اس میں تیزی سے گراوٹ آئی ہے۔ پچھلے ہفتے کے اندر ہی چاندی کی قیمتوں میں تیزی سے کمی آئی ہے۔ یہ تقریباً 32 ہزار روپئے فی کلو تک سستی ہوگئی ہے۔ سونے کی قیمت بھی تیزی سے گری اور یہ پچھلے ہفتے کے 5 کاروباری دنوں میں ہی 13,000 روپئے سے زیادہ گراوٹ کا شکار رہی۔

گزشتہ ہفتے 5 کاروباری دنوں میں چاندی کی قیمتوں میں تیزی سے کمی آئی ہے۔ گزشتہ 13 مارچ کو ملٹی کموڈٹی ایکسچینج (ایم سی ایکس) پر 5 مئی کی ایکسپائری کے ساتھ چاندی کی قیمت 2,59,435 فی کلوگرام تھی اور گزشتہ ہفتے کے آخری کاروباری دن جمعہ کویہ گر کر 2,23,305 روپئے پر آ گئی تھی یعنی 36,103 روپئے سستی ہوگئی تھی۔ تاہم اس کی گراوٹ میں کچھ کم ہوئی ہے اور یہ 2,27,470 روپئے پر بند ہوئی۔ ایسے میں چاندی کی قیمت ایک ہفتے میں 31,965 روپئے گر گئی۔

چاندی کی قیمت میں مسلسل گراوٹ دیکھی جارہی ہے جس کی قیمت فی الوقت اپنی بلند سطح سے نمایاں طور پر کم ہوچکی ہے۔ درحقیقت اس سال 29 جنوری کو چاندی کے فیوچرز نے پہلی بار 4 لاکھ فی کلو گرام کے نشان کو عبور کیا تھا اور 4,20,048 روپئے کی بلند ترین سطح پر پہنچی تھی۔ اس بلندی سے موجودہ قیمت کا موازنہ کریں تو 1 کلو چاندی کی قیمت 1,92,578 روپے تک کم ہے۔

 سونے کی قیمتوں میں مندی برقرار ہے۔ چاندی کے علاوہ سونا بھی سست روی کا شکار ہے۔ جمعہ کو گزشتہ ہفتے کے آخری تجارتی دن 2 اپریل کی ایکسپائری تاریخ والا سونا ایم سی ایکس پر 1,44,825 روپئے فی 10 گرام پر معمولی اضافے کے ساتھ بند ہوا۔ تاہم جب بقیہ کے 4 کاروباری دنوں میں کمی کی بنیاد پر حساب لگایا جائے تو سونے کی قیمت 13,641 فی 10 گرام گر گئی ہے۔ اس طرح 13 مارچ کو ایم سی ایکس گولڈ ریٹ 1,58,466 روپئے فی 10 گرام تھا جو جمعہ کو 1,44,825 روپئے تک گر گیا۔