پوسٹ مارٹم کے بعد آج صبح 11 بجے بالی وڈ کے مشہور نوجوان اداکار سدھارتھ شکلا کی لاش ان کے گھر والوں کو مل جائے گی جس کے بعد وہ ان کی آخری رسومات ادا کریں گے۔ سدھارتھ کی ماں اور گھر والوں کے ساتھ پوری فلمی دنیا کو ان کی موت کاغم ہے لیکن ان کی قریبی دوست شہناز گل کا برا حال ہے اور اب ان کا ایک ایسا بیان سامنے آ یا ہے جس نے سب کو پوری طرح ہلا دیا ہے۔
Published: undefined
شہناز کے والد نے خود بتایا کہ شہنا ز نے ان سے کہا کہ ’’میں اب کیسے جیوں گی پاپا، وہ میرے ہاتھوں میں دنیا چھوڑ کر چلا گیا ۔‘‘ واضح رہے شہناز گل کئی مرتبہ سدھارتھ سے اپنی محبت کا اظہار کر چکی ہیں اور اب سدھارتھ کے انتقال پر وہ پوری طرح ٹوٹ چکی ہیں اور ان کے والد کا کہنا ہے کہ ’’رو رو کر ان کی بیٹی کا برا حال ہے۔‘‘اس نے ان سے کہا ’’پاپا میرے ہاتھوں میں اس نے دم توڑا ہے، وہ میرے ہاتھوں میں دنیا چھور کر چلا گیا ، میں اب کیسے جیوں گی ، میں کیسے رہوں گی۔‘‘
Published: undefined
میڈیا رپورٹس کے مطابق شہنا ز کے والد نے بتایا’’شہناز صبح کو نارملی سدھارتھ کو اٹھانے گئی تو اس نے رسپانڈ نہیں کیا ۔ اس نے اسے گودی میں پکڑے رکھا پھر بھی سدھارتھ کی جانب سے کوئی رد عمل نہیں ہوا تو پھر شہناز نے سدھارتھ کے پورے گھر کو بلایا جو وہاں آس پاس رہتے ہیں اور پھر اسے ہسپتال لے جایا گیا ۔ شہناز کہہ رہی ہے کہ وہ (سدھارتھ) نہیں ہے میں کیسے رہوں گی۔‘‘
Published: undefined
شہناز کے والد نے کہا کہ کہ انہیں کبھی اس بات کی فکر نہیں ہوئی کہ ان کی بیٹی ممبئی میں اکیلی رہتی ہے کیونکہ سدھارتھ اس کا ایک خاندان کی طرح خیال رکھتا تھا اور اب مجھے فکر ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر بشکریہ جمال عباس فہمی
تصویر: سوشل میڈیا