شاہ رخ اور میرا نام ایک سانس میں لینا گناہ: رنویر سنگھ

ممبئی: بالی ووڈ اداکار رنویر سنگھ، کنگ خان شاہ رخ خان سے اپنا موازنہ نہیں کرنا چاہتے۔ رنویر سنگھ کی فلم پداماوت حال ہی میں ریلیز ہوئی ہے۔ فلم میں رنویر کے کردار کو بے حد پسند کیا گیا اور یہ فلم سپرہٹ ثابت ہوئی۔ رنویر، پدماوت کے بعد زویا اختر کی فلم پر کام کرنا شروع کرچکے ہیں۔ رنویر کا موازنہ اب شاہ رخ خان کی ڈر، انجام، بازیگر والے زون میں ہورہا ہے۔

رنویر کا کہنا ہے کہ جب سے میری پہلی فلم آئی ہے میرا موازانہ شاہ رخ سے کیا جاتا ہے۔ شاہ رخ کی تعریف کرتے ہوئے رنویر نے کہا کہ شاہ رخ خان نے فلمی دنیا کو اتنا کچھ دیا ہے کہ فلمی بالی ووڈ کے معنی ہی بد ل گئے ہیں۔ میرا اور شاہ رخ کا نام اگر کوئی ایک سانس میں لے لے تو وہ گنا ہ ہے۔

رنویر نے مزید کہا کہ شاہ رخ نے آج تک جو کچھ حاصل کیا ہے اگر میں اس کا ایک چھوٹا سا حصہ بھی حاصل کرلوں تو میں اپنے آپ کو کامیاب سمجھوں گا۔