ممبئی: مہاراشٹر کے وزیر نواب ملک کے داماد سمیر خان کو گرفتار کرنے کے ایک دن بعد نارکوٹکس کنٹرول بیورو (این سی بی) نے جمعرات کے دن ان کے گھر سمیت متعد ٹھکانوں پر چھاپہ ماری کی اور تلاشی لی۔ ایجنسی نے یہ کارروائی ڈرگ سے متعلق معاملہ میں کی ہے۔
Published: undefined
ذرائع کے مطابق این سی بی کی کئی ٹیمیں جمعرات کی صبح سے ہی متحرک ہو گئی تھیں اور ان ٹیموں نے سمیر خان کی رہائش سمیت کئی ٹھکانوں پر چھاپے مارے۔ ایک افسر نے بتایا کہ یہ کارروئی گزشتہ ہفتہ ممبئی میں ضبط کی گئی 200 کلوگرام ڈرگ کے تعلق سے کی گئی ہے۔
Published: undefined
خیال رہے کہ بدھ کے روز بھی این سی بی نے سمیر خان کے ٹھکانوں پر چھاپہ ماری کی تھی اور رات کو انہیں گرفتار کر لیا گیا تھا۔ این سی بی کے زونل ڈائریکٹر سمیر وان کھیڑے نے ایک بیان میں کہا کہ سمیر خان کو ایک دن کی پوچھ گچھ کے بعد گرفتار کیا گیا۔ یہ پوچھ گچھ اور گرفتاری گزشتہ ہفتہ باندرا ویسٹ میں ایک کوریئر سے 200 کلوگرام گانجا برآمد ہونے کے بعد کی گئی۔ ڈرگ ضبط کرنے کے بعد کھار میں رہنے والے کرن سجنانی کے گھر سے درآمد کی گئی گانجے کی کئی اقسام کا ذخیرہ برآمد ہوا تھا۔
Published: undefined
کرن سجنانی اور ان کی دو بہنوں راحیلا فرنیچر والا اور شائستہ فرنیچر والا اور رام کمار تیواری کو این ڈی پی ایس قانون کے تحت گرفتار کر کے عدالت میں پیش کیا گیا۔ انہی سے پوچھ گچھ اور جانچ میں باندرا کے رہائشی سمیر خان کے ملوث ہونے کا بھی انکشاف ہوا، جنہیں بعد میں گرفتار کر لیا گیا۔ وانکھیڑے نے کہا کہ مزید کارروائی اور جانچ کا سلسلہ جاری ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined