امریکی پابندیاں ختم کروانے کی کوشش کروں گا:ایرانی صدرا

ایران کے روحانی رہنما آیت اللہ علی خامنہ ای نے ابراہیم رئیسی کی ملک کے آئندہ صدر کے طور پر تقرری کی باقاعدہ منظوری دے دی ہے۔ یہ اطلاع ترکی میڈیا نے دی ہے۔

ترکی میڈیا کے مطابق ایران کے روحانی لیڈر آیت اللہ علی خامنہ ای نے ابراہیم رئیسی کی ملک کے آئندہ صدر کے طور پر تقرری کی باقاعدہ منظوری دے دی ہے۔یہ پیش رفت تہران میں آج منعقدہ ایک تقریب میں ہوئی اور اسی ہفتے جمعرات کو یعنی کل رئیسی پارلیمان میں حلف اٹھائیں گے اور باقاعدہ طور پر صدر کی ذمہ داری سنبھال لیں گے۔

آج منعقدہ تقریب میں رئیسی نے کہا کہ وہ امریکی پابندیوں کے خاتمے کے لیے کوششیں کریں گے۔انہوں نے مزید کہا کہ ملکی معیشت کا دارومدار غیر ملکیوں کی خواہشات پر نہیں ہے۔

واضح رہے کہ رئیسی کے لیے سب سے بڑا چیلج ڈگمگاتی ہوئی ایرانی معیشت کو سہارا دینا ہے۔وہ سبکدوش ہونے والے صدر حسن روحانی کو اعتدال پسندانہ طرز حکومت کی وجہ کئی مرتبہ تنقید کا نشانہ بنا چکے ہیں۔