سعودی عرب میں پیر کی شام سات بجے سے جزوی کرفیو کا اطلاق ہو گیا ہے۔ اس سے قبل سعودی وزارت داخلہ نے اعلان کیا تھا کہ کرفیو کی خلاف ورزی کرنے والے کو جرمانے اور جیل کی سزاؤں کا سامنا کرنا ہو گا۔
Published: undefined
وزارت داخلہ کے مطابق پہلی مرتبہ جرمانے کی رقم 10 ہزار ریال ہو گی۔ خلاف ورزی دہرانے کی صورت میں یہ رقم دگنی ہو جائے گی۔ تیسری مرتبہ خلاف ورزی کے ارتکاب پر 20 روز کے لیے جیل بھیج دیا جائے گا۔
Published: undefined
سعودی خبر رساں ایجنسی (ایس پی اے) کے مطابق وزارت داخلہ کے ایک ذمہ دار ذرائع نے مملکت میں تمام شہریوں اور غیر ملکی مقیمین پر زور دیا ہے کہ وہ کرونا وائرس کے پھیلاؤ کو روکنے کے لیے عائد کیے گئے کرفیو کے حوالے سے ہدایات پر سختی سے عمل کریں۔ کرفیو کا نفاذ پیر سے 21 روز کے لیے کیا گیا ہے۔ کرفیو کے اوقات شام 7 بجے سے صبح 6 بجے تک ہوں گے۔
Published: undefined
مذکورہ ذرئع نے باور کرایا ہے کہ صحت عامہ کا حفظان مملکت کے شہریوں اور اس کی سرزمین پر مقیم افراد کے اہم ترین فرائض میں سے ہے۔ لہذا ان پر لازم ہے کہ وہ گھروں میں رہ کر اپنا یہ فریضہ پورا کریں اور اپنی جانوں اور وطن کو اس مہلک وبا کے خطرے میں نہ ڈالیں۔
(العربیہ ڈاٹ نیٹ)
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined