پیش خدمت ہیں آج کی کچھ اہم خبریں
کورونا وائرس کے بڑھتے اثرات کے درمیان سب سے زیادہ مسئلہ مذہبی عبادات کو لے کر ہو رہا ہے۔ ہندو، مسلم، سکھ، عیسائی و دیگر مذاہب کے لوگ گھروں پر ہی دعاء و عبادت کرنے پر مجبور ہیں، کیونکہ لاک ڈاؤن کی وجہ سے سبھی مندر، مسجد، گورودوارے و چرچ وغیرہ میں عبادت کرنے پر پابندی عائد ہے۔ اس درمیان شب برأت کو لے کر بھی مسلم علماء و دانشوران نے اپیل کی ہے کہ وہ لاک ڈاؤن کے پیش نظر باہر نہ نکلیں اور گھروں میں ہی شب بیداری و عبادت کریں۔
Published: undefined
کورونا وائرس نے امریکہ میں کہرام مچا رکھا ہے۔ ہر دن ریکارڈ اموات ہو رہی ہیں۔ اس درمیان امریکی صدر ڈونالڈ ٹرمپ نے اس مہلک بیماری سے نمٹنے کو لے کر عالمی صحت ادارہ (ڈبلیو ایچ او) کو تنقید کا نشانہ بنایا ہے۔ انھوں نے کہا کہ ڈبلیو ایچ او چین پر زیادہ توجہ دے رہا ہے۔ امریکی صدر کا کہنا ہے کہ "ڈبلیو ایچ او کو امریکہ نے بڑے پیمانے پر معاشی مدد دی ہے۔ جب میں نے چین کے لیے سفر پر پابندی لگائی تو ڈبلیو ایچ او مجھ سے متفق نہیں تھا اور انھوں نے میری تنقید کی۔ وہ کئی چیزوں کے بارے میں غلط تھے۔ ایسا لگ رہا ہے کہ ان کی توجہ چین پر زیادہ ہے۔ ہم ڈبلیو ایچ او پر خرچ کی جانے والی فنڈنگ پر روک لگانے جا رہے ہیں۔"
Published: undefined
یوروپ کے کئی بڑے ممالک سمیت امریکہ میں کورونا کا قہر جاری ہے اور اب اس سے متاثر ہونے والوں کی تعداد ساڑے 14 لاکھ سے زیادہ ہوگئی ہے جبکہ مرنے والوں کی تعداد 83 ہزار سے تجاوز کرگئی ہے۔ ادھر سپر پاور کہے جانے والے ملک امریکہ میں اس وائرس کی وجہ سے حالات بہت خراب ہیں اور وہاں کل سب سے زیادہ ہلاکتیں ہوئی ہیں۔ امریکہ میں آخری اعداد و شمار ملنے تک متاثرین کی تعداد چارلاکھ سے اوپر پہنچ گئی ہے اور وہاں اس وبائی مرض سے ہونے والی اموات کی تعداد 12857 ہوگئی ہے۔
Published: undefined
لاک ڈاؤن کی حمایت کرنے والے سب سے پہلے سیاسی رہنماؤں میں سے ایک سابق مرکزی وزیر پی چدمبرم ہیں جنہوں نے تجویز پیش کی ہے کہ لاک ڈاؤن ہٹانے کے تعلق سے فیصلہ لینے سے قبل ریاستوں سے مشاورت کی جانی چاہیے۔ پی چدمبرم نے ٹوئٹ کرتے ہوئے یہ بھی مطالبہ کیا کہ حکومت کو چاہیے کہ غریبوں کو نقد رقم فراہم کرے۔ چدامبرم نے اپنے ٹوئٹ میں کہا ’’لاک ڈاؤن کی حمایت کرنے والے پہلے لوگوں میں شامل ہونے کے ناطے میں مرکزی حکومت کی ریاستوں سے مشاورت کا خیرمقدم کرتا ہوں کہ آیا 14 اپریل کے بعد لاک ڈاؤن ہٹایا جانا چاہیے یا نہیں۔‘‘
Published: undefined
دہلی پولیس کے ایک اسسٹنٹ سب انسپکٹر کی رپورٹ کورونا کے لئے پازیٹو پائی گئی ہے۔ اس رپورٹ کے آنے کے ساتھ ہی دہلی پولیس ڈیپارٹمنٹ میں کھلبلی مچ گئی۔ معاملہ سامنے آنے کے بعد کالکا جی پولیس کالونی کو مکمل طور سے سینیٹائز کر دیا گیا ہے کیونکہ اس اے ایس آئی کی رہائش یہیں پر ہے دہلی پولیس کے جوائنٹ کمشنر دیویش چندر سریواستو نے خبر رساں ایجنسی ’آئی اے این ایس‘ سے گفتگو کرتے ہوئے اعتراف کیا کہ دہلی پولیس کے ٹریفک یونٹ میں تعینات ایک اے ایس آئی کو کورونا پازیٹو پایا گیا ہے۔
Published: undefined
دنیا کے بیشتر علاقوں میں کورونا وائرس کی وبا پھیلنے کے بعد پوری دنیا میں اس کے پھیلاؤ کی روک تھام کے لیے مختلف حفاظتی اقدامات کیے جا رہے ہیں۔ بعض لوگوں کا خیال ہے کہ کرنسی نوٹ بھی کورونا وائرس پھیلانے کا موجب بن سکتا ہے۔ یہی وجہ ہے کہ جارجیا نے کرنسی نوٹوں اور دھاتی سکوں کو کورونا سے پاک کے لیے ایک نیا طریقہ اختیار کیا ہے۔
Published: undefined
سعودی عرب کے فرماں رواں شاہ سلمان بن عبد العزيز نے ایک شاہی فرمان جاری کیا ہے جس کے تحت بعض عدالتی فیصلوں اور احکامات پر عمل درآمد معطل کر دیا گیا ہے۔ فرمان کے تحت نجی حقوق کے سلسلے میں اُن قرض نادہندگان کو عارضی طور پر فوری رہا کرنے کا حکم دیا گیا ہے جن کو عدالتی فیصلے پر عمل درآمد کرتے ہوئے حراست میں رکھا گیا تھا۔ سعودی سرکاری خبر رساں ایجنسی (ایس پی اے) کے مطابق یہ فرمان منگل کے روز جاری کیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
ال