کانگریس صدر سونیا گاندھی کی صدارت میں آج کانگریس ورکنگ کمیٹی یعنی سی ڈبلیو سی کی میٹنگ کا انعقاد عمل میں آیا۔ کورونا انفیکشن سے پیدا مشکل حالات کے درمیان یہ ورچوئل میٹنگ تھی جس میں ویڈیو کانفرنسنگ کے ذریعہ کانگریس کے سرکردہ لیڈران شامل ہوئے۔ میٹنگ میں سب سے پہلے لداخ کی گلوان وادی میں شہید ہوئے 20 جوانوں کو دو منٹ خاموشی اختیار کر کے خراج عقیدت پیش کی گئی۔ سونیا گاندھی نے اس موقع پر کہا کہ "ہندوستان ایک زبردست معاشی بحران، کورونا وبا اور اب چین کے ساتھ سرحدی تنازعہ کا سامنا کر رہا ہے۔" انھوں نے مزید کہا کہ "ہر بحران کے لیے بی جے پی کی قیادت والی این ڈی اے حکومت کی بدانتظامی اور اس کی غلط پالیسیاں ہی ذمہ دار ہیں۔ ان کی وجہ سے جہاں لوگوں کو کافی تکلیفوں کا سامنا ہے وہیں خوف کا بھی ماحول ہے۔"
Published: undefined
حج 2020 کو لے کر کئی طرح کی قیاس آرائیاں ہو رہی تھیں، لیکن اب یہ فائنل ہو گیا ہے کہ اس بار حج بیت اللہ کینسل نہیں ہوگا بلکہ اس کی ادائیگی محدود پیمانے پر ہوگی۔ کورونا وائرس کے پھیلتے انفیکشن کو دیکھتے ہوئے سعودی وزارت خارجہ نے اعلان کیا ہے کہ حج کے لیے صرف مقامی لوگوں اور ملک میں رہ رہے غیر ملکی افراد کو کچھ شرائط کے ساتھ اجازت دی جائے گی۔ گویا کہ اس مرتبہ بین الاقوامی حج سفر کو کینسل کر دیا گیا ہے۔
سعودی وزارت خارجہ نے اس سلسلے میں جو بیان جاری کیا ہے اس کے مطابق اس مرتبہ ذی الحجہ میں مختلف ممالک سے تعلق رکھنے والے شہریوں کو محدود تعداد میں فریضہ حج ادا کرنے کی اجازت ہوگی اور یہ غیرملکی وہی ہوں گے جو سعودی عرب میں مقیم ہیں۔ ان کے علاوہ محدود تعداد میں سعودی شہری فریضہ حج ادا کرسکیں گے۔
Published: undefined
اقلیتی امور کے مرکزی وزیر مختار عباس نقوی نے کہا ہے کہ سعودی حکومت کے فیصلہ کے بعد ہندوستانی عازمین کی جمع رقم واپس کر دی جائے گی۔ ادھر انہوں نے اعلان کیا ہے کہ محرم کے بغیر سفر حج پر جانے والی خواتین اس برس کی منظور درخواستوں پر ہی 2021 میں حج پر جائیں گی۔ مختار عباس نقوی نے صحافیوں سے کہا کہ اس برس تقریباً 2200 محرم کے بٖغیر حج پر جانے والی خواتین کی درخواستیں منظور کی گئی ہیں۔ مرد درخواست دہندگان کی طرح ان خواتین کے بھی پیسے واپس کیے جائیں گے لیکن اس سال منظور درخواستوں کی بنیاد پر انہیں آئندہ برس حج پر جانے کی اجازت ہوگی۔ اگلے برس انہیں علیحدہ سے درخواست نہیں دینی ہوگی۔
Published: undefined
اڈیشہ کے وزیر قانون پرتاپ جینا نے میڈیا سے بات چیت کے دوران بتایا کہ سپریم کورٹ کی ہدایت کے مطابق پوری میں جگن ناتھ یاترا نکالے جانے سے قبل سبھی سیوایت یعنی پجاری یا خدام کا کورونا ٹیسٹ کرانے کے لیے کہا گیا تھا۔ ان کا کورونا ٹیسٹ کرایا گیا جن میں سے ایک کی رپورٹ پازیٹو برآمد ہوئی جنھیں رتھ یاترا میں شامل ہونے کی اجازت نہیں دی گئی۔
Published: undefined
کورونا وائرس کے بحران سے دوچار امریکہ کے صدر ڈونلڈ ٹرمپ نے گرین کارڈز اور غیر ملکی ملازمین کے لیے جاری کیے جانے والے ویزوں کا اجراء رواں سال کے اختتام تک روک دیا ہے۔ وہائٹ ہاؤس نے اس تعلق سے کہا ہے کہ امریکی صدر ڈونالڈ ٹرمپ کے گرین کارڈز اور غیر ملکی ملازمین کے لیے ویزوں کے روکنے کے اقدام سے امریکی شہریوں کے لیے ملازمتوں کے مواقع پیدا ہوں گے۔
ٹرمپ انتظامیہ نے گزشتہ روز صحافیوں کو بریفنگ کے دوران بتایا کہ اس اقدام سے گرین کارڈز یعنی امریکہ میں مستقل رہائش کے خواہش مند افراد اور امریکہ میں ملازمت کرنے والے تقریباً 5 لاکھ 25 ہزار افراد متاثر ہوں گے۔ نئی پابندیوں کے مطابق اس اقدام سے ایچ۔ ون بی یعنی ٹیکنالوجی میں کام کرنے والے ہندوستانی ملازمین اور ایچ۔ ٹو بی ویزا کے حامل افراد یعنی ایک معینہ مدت تک کام کرنے والے غیرملکی ملازمین متاثر ہوں گے۔ ٹرمپ کے اس قدم سے ہندوستانی ملازمین بہت زیادہ متاثر ہوں گے۔
Published: undefined
کورونا وبا، گردابی طوفان کے بعد اب ایک اور آسمانی آفت زمین کی طرف بڑھ رہی ہے۔ صرف 2 دن بعد زمین کے بغل سے ایک بہت بڑا ایسٹیروئیڈ یعنی ٹوٹا ہوا ستارہ گزرے گا۔ یہ ایسٹیروئیڈ دہلی کے قطب مینار سے چار گنا اور اسٹیچو آف لبرٹی سے تین گنا بڑا ہے۔ جون میں زمین کے بغل سے گزرنے والا یہ تیسرا ایسٹیروئیڈ ہے۔ اس سے قبل 6 جون اور 8 جون کو زمین کے بغل سے ایسٹیروئیڈ گزرے تھے۔
Published: undefined
قومی آواز کے قارئین و ناظرین کورونا وبا کے اس دور میں اپنا خاص خیال رکھیں، شکریہ
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined